Валер Мазынскі заклікаў пайсьці на Эўрапейскі марш

Актывісты моладзі БНФ прынялі ўдзел у Школе маладых лідэраў

Героі вяртаюцца ў гісторыю

Лявон Баршчэўскі пойдзе на Эўрапейскі марш

Эўрапейскі Марш: спытаемся самі сябе пра простыя рэчы

На пераломе. Кампанія Эўрапейскі марш

Naviny ad Partyi BNF

Статистика

Подписаться Бесплатная новостная рассылка Подписчиков 155 RSS

← Сентябрь 2007 →
	1	2
3	4	5	6	7	8	9
10	11 11.09.2007 18:38:27 19:56:55	12	13	14	15	16
17	18	19	20	21	22	23
24	25	26	27	28	29	30

За последние 60 дней ни разу не выходила

Сайт рассылки: http://pbnf.org
Открыта: 08-03-2007

Автор

Ната Сеніна

155 подписчиков
0 за неделю

← Все выпуски →

Кінарэжысэр Валер Мазынскі адказаў на пытаньні пра эўраінтэграцыю і заклікаў далучыцца да Эўрапейскага маршу "За свабоду", які пачнецца ў 14:00 14 кастрычніка на Кастрычніцкай плошчы.

- Ці ведаеце Вы пра прапановы Эўрапейскага Зьвязу Беларусі?

- Ведаю, гэта вельмі добрыя і пазытыўныя прапановы.

- Ці лічыце Вы, што для Беларусі карыстае супрацоўніцтва з ЭЗ?

- Так.

- Ці ведаеце Вы, што 14 кастрычніка адбудзецца Эўрапейскі марш?

- Ведаю.

- А ці пойдзеце?

- Так, пайду. Я хаджу на ўсе акцыі апазыцыі, каб пабачыць сяброў, прыхільнікаў, аднадумцаў. Гэтая акцыя - акцыя ня сколькі супраць Лукашэнкі, колькі за беларускі народ, гэтая акцыя павінна паказаць, ці хочуць беларусы жыць іначай, па-эўрапейску. Але маршараваць - гэта самае простае, што мы зараз можам, нам важна дайсьці да людзей і расказаць ім пра тое, што можа атрымаць Беларусь у выпадку пачатку супрацоўніцтва з ЭЗ.

14:59, 10 верасьня 2007, Прэс-група Партыі БНФ

5-8 верасьня у польскім горадзе Новы Сонч, што пад Кракавам, праводзіліся заняткі ў школе маладых лідэраў. Сэмінар быў злажджаны пры падтрымцы міжнароднай фундацыі "Новы Стаў". Школа маладых лідэраў - гэта месца сустрэчы 180 актывістаў грамадзкіх, палітычных, эканамічных арганізацый з краін Эўрапейскага зьвязу, Усходняй Эўропы і Паўднёвага Каўказу.

Яна адбываецца ўжо другі год запар і праходзіць у адзіны час з Міжнародным Эканамічным Форумам у Крыніцы. Усе ўдзельнікі школы маглі прымаць удзел у яго працы.

Падчас сустрэчы адбыліся дыскусіі, аб`яднаныя ў 10 тэматычных блёкаў: "Міжнародная палітыка і бясьпека", "Дзяржава і рэформы", "ЭЗ і яго суседзі", "Рэгіёны", "Грамадзтва", "Навука і культура", "Макраэканоміка", "Бізнэс і кіраваньне", "Паліва і энэргетыка", "Новая эканоміка". Удзельнікі моладзевай школы таксама сустракаліся з экс-прэзыдэнтам Польшчы Аляксандрам Квасьнеўскім, гісторыкам Юрыем Афанасьевым, былым прэзыдэнтам Кіпра Джорджам Васіліу і віцэ-прэм'ерам Грузіі Георгіем Барамідзэ, кандыдатам у прэзыдэнты Беларусі Аляксандрам Мілінкевічам.

Падчас спэцыяльнай прэзэнтацыі ўдзельнікі Школы таксама знаёміліся з чарговым, ужо шостым, выпускам рапарту «Новая Эўропа. Рапарт аб трансфармацыі». Мэтай рапарту зьяўляецца ацэнка посьпехаў у эканамічнай інтэграцыі, дасягнутых у 2006 і першай палове 2007 году. Аналіз ахоплівае 27 краін Цэнтральнай, Усходняй і Паўднёвай Эўропы і былых рэспублік СССР. Адбыўся таксама польскі вечар, на якім удзельнікі сустрэчы маглі пазнаёміцца з самымі цікавымі элемэнтамі польскай культуры.

14:50, 10 верасьня 2007, Антон Каліноўскі

Беларускі гісторык, сябра Сойму Партыі БНФ Уладзімер Арлоў разбурае міты, якія існавалі і існуюць дагэтуль не толькі в беларускіх афіцыйных, але і ў рускіх, літоўскіх і польскіх падручніках па гісторыі.

— Згодна з распаўсюджаным уяўленьнем, беларусы — гэта народ, які ня ведае ўласнага мінулага, і таму палітыкам лёгка ім маніпуляваць, апэлюючы да гістарычных мітаў…

—Існуе дзьве Беларусі, і кожная зь іх у розных дачыненьнях з гісторыяй. Адна Беларусь пачуваецца спадкаемніцай Савецкага Саюзу.

Шмат для каго з маіх суайчыньнікаў гісторыя іх краю пачынаецца з тых часоў, калі піва каштавала 37 капеек, а гарэлка — тры рублі. Ёсьць таксама другая Беларусь, жыхары якое ведаюць мінулае краіны, маюць сваіх герояў.

Атрымаць гэтыя веды было задачаю складанай і часта пакутлівай. Калі я ў 1970‑х вывучаў гісторыю, ні я, ні мае аднакурсьнікі з гістарычнага факультэту БДУ анічога ня чулі пра шматлікія важныя моманты нашае мінуўшчыны.. Мы былі прадуктамі савецкае адукацыі, у якой замоўчвалася існаваньне Беларускай Народнай Рэспублікі, ніхто нават шэптам ня згадваў пра масавыя рэпрэсіі 1930‑х гадоў. Нашыя прафэсары не адкрылі перад намі гэтае забароненае гісторыі. Сёньня дзень 25 Сакавіка, калі была абвешчаная незалежнасьць БНР, ведаюць ужо амаль усе. Безумоўна, большасьць пакуль не сьвяткуе гэты дзень, аднак ён вярнуўся ў народную памяць, то бок нейкі прагрэс ёсьць.

— Як навучалі гісторыі ў савецкай школе?

— Што да Беларусі, дык савецкая гістарыяграфія была пераемніцаю гістарыяграфіі царскай. Беларуская гісторыя заўсёды разглядалася праз прызму імпэрскіх мітаў. Беларусы, маўляў, — малодшыя браты расейцаў, яны ня маюць права на дзяржаўнасьць, мову. У гэтай гісторыі не было месца героям, якія змагаліся за эўрапейскія каштоўнасьці. Я вырас у Полацку, а ня ведаў пра тое, што цар Іван Жахлівы, захапіўшы наш горад, зьнішчыў каталікоў і габрэяў, а 50 тысячаў праваслаўных пагнаў углыб Расеі. На ўроках і лекцыях нам апавядалі, што цар вызваліў Полацак ад палякаў і літоўцаў. Замоўчвалася, што гісторыя стасункаў Расеі ды Беларусі — гісторыя бясконцых войнаў, якія распачалі¬ся ў 1492 годзе й доўжыліся ажно да канца XVIII стагодзьдзя, калі мара расейскіх валадароў пра заваёву Беларусі зьдзейсьнілася. У школе не вывучалі Інфлянцкай вайны, не вывучалі найстрашнейшай вайны 1654—1667 г. Беларусь страціла тады палову насельніцтва, сваю эліту, шляхту, мяшчанства. Гэта была дэмаграфічная, эканамічная, культурная катастрофа, ад якой краіна не адышла дагэтуль. Якраз тут мне бачацца карані нашых сучасных балючых праблемаў.

За тры гадзіны аўтобусам ад Полацку знаходзіцца славутае дзякуючы Пушкіну сяло Міхайлаўскае. У школе мы штогод езьдзілі туды на экскурсіі. Усё там я ведаў напамяць, сам мог быць гідам. Затое ніколі не зрабілі нам экскурсіі па Полацку, не распавялі пра Сафію.

— Згадка пра існаваньне сярэднявечнага Полацкага княства супярэчыла б тэорыі пра адзіную Русь — праайчыну ўсіх усходніх славянаў?

—За царом, як і за саветамі, папулярызавалася тэза, што мы ніколі ня мелі ўласнае дзяржаўнасьці. А між тым Полацкае княства займала большую частку сучаснае Беларусі і адпавядала ўсім крытэрам дзяржавы. У нас была ўласная дынастыя Рагвалодавічаў, дынастычныя сувязі зь Бізантыяй. Савецкая гістарыяграфія імкнулася выкрасьліць усе нашы значныя постаці тых часоў. Напрыклад, сьвятая Эўфрасіньня Полацкая ў ХІІ стагодзьдзі была адною з самых адукаваных жанчынаў у Эўропе. У школьным падручніку яна не была згаданая ніводным словам, як і ў падручніках унівэрсытэцкіх. Акадэмічная «Гісторыя Беларусі» налічвала ажно пяць тамоў, але пра Эўфрасіньню маўчала. Наш выкладчык сказаў толькі, што яна была царкоўнаю цемрашалкаю, а яе дзейнасьць — опіюмам для народу. І тое добра, што пачулі яе імя, і маглі самі даведацца, кім яна была насамрэч. Канспэктавалі ўсё, што дыктаваў прафэсар, а пасьля шукалі па розных кнігах, каб дакапацца хоць да якой праўды. Калі ў мяне дрэнны настрой, дастаю тыя канспэкты, чытаю і кладуся ад сьмеху.

—Наколькі небясьпечным для Беларусі зьяўляецца міт пра адзіную Русь?

— Ён — наша найвялікшае няшчасьце. Хоць існаваньне старажытнарускага народу не пацьвярджаюць ані археалягічныя, ані этнаграфічныя, ані антрапалягічныя дасьледаваньні, стэрэатыпы, якія моцна сядзяць у галовах беларусаў, выкарыстоўваюцца прыхільнікамі далучэньня нашага краю да Расеі. Расейскія палітыкі, як правыя, так і левыя, перакананыя, што незалежныя Ўкраіна й Беларусь—гістарычная памылка. І належыць гэтую памылку як найхутчэй выправіць.

Міт пра адзіную Русь мусіць апраўдаць прэтэнзіі Расеі на ўкраінскія ды беларускія землі. Хаця ля вытокаў гісторыі усходнеславянскіх дзяржаваў стаялі тры цэнтры: Полацак, Кіеў і Ноўгарад. Сымбалічнае значэньне ім надавалі тры Сафіі, пабудаваныя ў тых гарадох на ўзор — ня толькі архітэктурна, але й ідэалягічна — сьвятыні ў Канстанцінопалі. Трагедыяй гэтых трох асяродкаў сталася зьяўленьне чацьвертага: Масквы. У Ноўгарадзе разьвіўся асобны этнас, які Масква зваявала і фанатычна зьнішчыла. Падобны лёс рыхтаваўся і нам. Беларусы ня мелі права назвацца самастойным народам. Нам зьмянялі нават імёны. Тамаш рабіўся Фамой. Расейцы стваралі й іншыя міты пра Беларусь. Але міт пра тое, нібыта беларусы яшчэ з часоў Кіеўскае Русі былі часткаю расейскага народу, —найважнейшы і эксплюатуецца дагэтуль.

—Да такой ступені, што частка беларусаў перакананая, нібыта беларускія землі ў XIII ст. знаходзіліся пад татарскім ярмом?

— Так, нават сёньня нібыта сур’ёзныя людзі часам гавораць, што без дапамогі Расеі беларусы не вызвалі¬лі¬ся б ад татарскага прыгнёту. Хаця ніколі беларусы пад ім не былі. Тое, што нашыя землі пазьбеглі мангольскае навалы — адна з найважнейшых адметнасьцяў нашае гісторыі. Татарскае ярмо было трагедыяй для расейскіх земляў, якія страцілі праз гэта шанцы на прыналежнасьць да эўрапейскае культуры.

Да XIII ст. у рускіх княствах існавалі дэмакратычныя традыцыі, але пасьля 250 гадоў мангольскага панаваньня ў расейскай сьвядомасьці адбыліся сур’ёзныя зьмены. Паводле азіяцкага ардынскага досьведу Масква і сфармавала сыстэму ўлады. Беларусы ж фармаваліся ў абсалютна іншых умовах.

— Якія яшчэ падманкі ўжывала расейская й савецкая гістарыяграфія, каб даказаць тэорыю пра адзіны народ?

—Нас кармілі байкаю, нібыта Расея ня мела калёніяў. А гэта была каляніяльная імпэрыя, толькі калёніі знаходзіліся не за морам, як у Брытаніі, а каля мяжы. Тое, што значную частку калёніяў засялялі славянскія народы, палегчыў зьнішчэньне іх памяці. Падкрэсьлівалася, што беларусы заўсёды марылі пра тое, як бы паяднацца з старэйшым братам у адзінай дзяржаве. Маё пакаленьне расло з гэтым перакананьнем. Каб гэты міт мог функцыянаваць, неабходна было замоўчваць цэлыя стагодзьдзі гісторыі, калі Беларусь знаходзілася пад уплывам заходняе цывілізацыі. Маніпулявалі нават біяграфіяй Францішка Скарыны. Яго Біблія была надрукаваная ў 1517—1519 гг. па‑беларуску і зьяўляецца чацьвертаю друкаванай нацыянальнай Бібліяй у сьвеце. У школе мы чулі пра Скарыну, але расказвалі нам пра яго такім чынам, каб мы не разумелі сапраўдных маштабаў гэтай асобы. У адным з падручнікаў было напісана, што Скарына працягваў працу расейскага першадрукара Івана Фёдарава. Фёдараў выдаў першую расейскую кнігу ў 1564 г., але ж наш друкар ня мог быць першым, на гэта меў права толькі расеец.

— Апазыцыйна й празаходне настроеныя беларусы надаюць вялікае значэньне бітве пад Оршаю (1514 г.), не хаваючы, што напамін пра перамогу над маскоўскім войскам мусіць паслужыць нацыянальнай ідэі, паводле якой вораг заўсёды на ўсходзе.

— На захадзе таксама хапала непрыяцеляў… А сьвяткаваньне гадавіны гэтае Аршанскае бітвы дапамагае разбураць міт, нібыта на расейскіх землях жылі нашыя браты, якія несьлі нам спакой і вечна нас вызвалялі. Акрамя таго, нам неабходныя нацыяўтваральныя ідэі. Нашае грамадзтва занадта доўга засвойвала міты, якія ўтваралі комплекс непаўнавартасьці.

Дарэчы, у Польшчы бітва пад Оршаю разглядаецца як баталія з удзелам польскіх войскаў, хаця войскаў Кароны там не было, толькі аддзелы палякаў‑наймітаў. Гэта войска Вялікага Княства Літоўскага разьбіла расейцаў.

— То бок, адказныя за такі стан рэчаў ня толькі расейцы. Да гэтага спрычыніліся таксама польскія аўтары і дзеячы літоўскага адраджэньня?

— Адзін зь мітаў— месца беларусаў у ВКЛ. У школе й ва ўнівэрсытэтах нам убівалі ў галовы, што ВКЛ узьнікла шляхам заваёвы славянскіх земляў літоўцамі. Але ж Княства паўстала на нашых землях. Першаю сталіцаю дзяржавы быў Наваградак, які знаходзіцца ў самым цэнтры сучаснае Беларусі. Там каранаваўся князь Міндоўг. Безумоўна, ува ўтварэньні ВКЛ удзельнічалі й балты, але ня шляхам заваёвы. Гэта быў пераважна мірны працэс.

— Гісторык Генадзь Сагановіч пісаў, што ў 1991—1994 гг. беларускія гісторыкі дапусьцілі шмат спрашчэньняў адносна гісторыі ВКЛ, пераацэньваючы яго значэньне.

— Цалкам верагодна, алепасьля дзесяцігодзьдзяў маўчаньня й забароны тых тэмаў, гэта падаецца зразумелым. Я не прыхільнік тэзы, што толькі беларусы маюць права на спадчыну ВКЛ, але падкрэсьлю, што нашыя продкі былі найбольшай паводле колькасьці народнасьцю, якая насяляла гэтую зямлю. Яны ад X ст. мелі свае гарады, пісьменства й хрысьціянскую рэлігію. Балты — продкі сучасных літоўцаў — за часамі Вітаўта ледзь складалі 5%. Ня мелі сваіх гарадоў, не былі хрысьціянамі, ня мелі пісьменства. У сучаснай эўрапейскай гістарыяграфіі назіраецца такая тэндэнцыя: пішуць, што Літва існавала ўжо ў X ст., а беларусы зьявіліся ў XVI ст. Гэта «заслуга» літоўскіх гістарыёграфаў.

Але літоўскі прыклад даказвае, што на аснове моцнага нацыянальнага міту можна сфармаваць нацыю. Калі пасьля 1918 г. зьявілася незалежная дзяржава, міты, створаныя ідэолягамі літоўскага адраджэньня, трапілі ў падручнікі. Некалькі пакаленьняў выхоў¬ваюцца на іх і сёньня імі прасякнутыя. Друкуецца, напрыклад, кніга «Літоўскія замкі», а там Кіеў, Полацак…

—Вас можна папракнуць у тым, што Вы агістарычна расьцягваеце паняткі «Беларусь» і «беларусы» ў часе й прасторы.

— Лічу гэта правамерным, бо ліцьвінамі называліся тады ўсе жыхары нашых земляў. Назва Беларусь замацавалася толькі на пачатку XX ст.

Якая мова была ў ВКЛ дзяржаўнаю, на якой мове былі напісаныя яго статуты? Калі пытаем у літоўскіх гісторыкаў, кажуць, што гэта нейкая «славянская мова». Аднак бясспрэчным зьяўляецца тое, што моваю вялікакняскай канцылярыі была старабеларуская, а не літоўская. Законы пісаліся па‑беларуску, і паседжаньні соймаў таксама праходзілі на гэтай мове. Калі савецкая Расея падпісала ў 1920 г. дамову зь незалежнаю Літвою, літоўцы запатрабавалі, каб ім вярнулі Мэтрыку (архівы канцылярыі) ВКЛ. Беларускі гісторык Мітрафан Доўнар‑Запольскі, які быў запрошаны ў групу экспэртаў, прапанаваў вярнуць літоўцам усе дакумэнты, напісаныя па‑літоўску. Іх не знайшлося. Былі акты пераважна па‑беларуску, а таксама па‑польску, на лаціне й па‑нямецку.

— Беларуская культура ў часы Рэчы Паспалітай, а таксама пасьля яе падзелаў фармавалася ў ценю поль¬скае. Гэта, мабыць, таксама ўплывала на бачаньне мінулага гэтае зямлі — усё, што было зьвязанае з вышэйшаю культураю, лічылася польскім.

— Гэта чарговы міт, паводле якога беларусы былі выключна мужыцкім народам, пазбаўленым арыстакратыі. Кім, у такім выпадку, была Магдалена Радзівіл, якая падтрымлівала беларускае нацыянальнае адраджэньне? А Раман Скірмунт ці Эдвард Вайніловіч, фундатар Чырвонага касьцёлу ў Менску? Сюды ж далучаецца міт пра нейкую дзіўную санлівасьць нашага народу, які нібыта ніколі ня мог наважыцца на актыўны супраціў, а ўсе антырасейскія паўстаньні былі дзеямі польскай нацыі. Аднак жа беларусы разам з палякамі й літоўцамі тройчы ўздымалі паўстаньні. У 1794 г. і ў 1830 — 1831 гг змаганьне ішло яшчэ за адра¬джэньне Рэчы Паспалітае ў старых межах, але ў 1863 г. у паўстанцкіх аддзелах змагаліся людзі, якія думалі пра самастойнасьць Беларусі. Кастусь Каліноўскі выдаваў газэту «Мужыцкая праўда» па-беларуску. Пэрыяд паўстаньня быў вельмі важным для беларускага нацыянальнага адраджэньня.

— Сёньня Каліноўскі трактуецца як галоўны герой, змагар за незалежнасьць. У якой ступені быў сьвядомы ягоны нацыяналізм?

— Ва ўнівэрсытэце мяне вучылі, што Каліноўскі быў палякам, які гуляў у беларушчыну дзеля сваіх мэтаў. Цяпер некаторыя цьвер¬дзяць, што постаць Каліноўскага міталягізаваная й беларускага нацыяналіста зь яго робяць сілком. Але Каліноўскі выдаваў газэту па‑беларуску, а перад стратаю напісаў свой запавет — «Ліст з‑пад шыбеніцы» таксама па‑беларуску.

— Міхаіл Мураўёў, аднак, загадаў яго павесіць як паляка й каталіка.

— Бо ў інтарэсах расейцаў было абвясьціць, што Каліноўскі паляк. Сталін цынічна казаў: «Ёсьць чалавек — ёсьць праблема, няма чалавека — няма праблемы». Тое самае можна сказаць і пра народ. Я не прыхільнік марксізму, аднак ягоныя клясыкі трапна назвалі Расейскую імпэрыю турмою народаў.

— Каліноўскі стаў ўзорам для моладзі, апазыцыйнай Лукашэнку, але няўжо няма шанцаў, каб ён стаўся агульнанацыянальным героем?

— Магчыма, ёсьць. Ня ведаю, калі мы дачакаемся помніка ў Менску, але за савецкімі часамі імем Каліноўскага хаця б назвалі вуліцу. На пачатку незалежнасьці ў сыстэме дзяржаўных узнагародаў зьявіўся ордэн Кастуся Каліноўскага — адзін з найвышэйшых. Сёньня гэтай узнагароды ўжо няма. У канцы 1990‑х, уключыўшы радыё, я даведаўся, што Каліноўскі быў тэрарыстам, а яго рукі заплямленыя мужыцкаю крывёю.

— Сымбалем, да якога апэлюе дэмакратычная частка беларусаў, зьяўляецца Беларуская Народная Рэспубліка. Канец Першае сусьветнае вайны—шчасьлівы момант атрыманьня незалежнасьці народамі Цэнтральнае і Ўсходняе Эўропы. У беларусаў гэта не атрымалася. Спроба ўтварэньня дзяржавы, якая праіснавала ўсяго некалькі месяцаў, шануецца беларусамі. Ці ня маем тут справы зь міталягізацыяй БНР?

—25 сакавіка — найважнейшая дата ў гісторыі Беларусі XX ст. Безь яе немагчыма было б мець тое, што мы маем сёньня. Калі б не была абвешчаная БНР, бальшавікі ніколі б не далі дазволу на стварэньне БССР. Безумоўна, незалежнасьць БССР была фікцыяй, але, урэшце, мы ўваходзілі ў ААН, у нашай назьве было слова «Беларусь». У 1991 г. гэта вельмі дапамагло атрымаць незалежнасьць. Каб не БНР, нас не было б сёньня на палітычнай мапе сьвету.

— Палякі сёньня ня вельмі хочуць згадваць становішча, у якім знаходзілася беларуская меншасьць у Рэчы Паспалітай.

— Палякі лічылі нашую гісторыю часткаю сваёй і таксама спрычыніліся да пазбаўленьня беларусаў гістарычнае памяці. У XX ст. Польшча, атрымаўшы незалежнасьць, пачала змагацца зь беларускім нацыянальным адраджэньнем. Зачыняліся беларускія школы. Засталася толькі адна гімназія ў Вільні. За нацыянальныя погляды кідалі ў вязьніцу. Палякі ішлі на такія брутальныя меры, як стварэньне канцлягеру ў Бярозе‑Картускай. Празь яго прайшлі тысячы беларусаў. Аднак у Польшчы, адрозна ад БССР, не расстрэльвалі.

— Савецкі пэрыяд, пасьля непрацяглай беларусізацыі 1920‑х, прынёс чарговы заняпад беларускае культуры. Была ліквідаваная амаль уся беларуская інтэлігенцыя. Гэта ўкладалася ў агульнае рэчышча сталінскага тэрору, ці за гэтым хавалася нешта большае?

— Гэта быў генацыд. Была сытуацыя, калі ў 1939‑м з 700 літаратараў на волі засталося ўсяго 7. У нас адабралі гісторыю і яе герояў, нацыянальныя сымбалі, зьнішчылі амаль усю эліту. Вынішчалі людзей, якія змагаліся за беларускі правапіс…

— Маштаб тых злачынстваў дасёньня фальсыфікуецца.

— У 1995 г. у энцыкляпэдычным даведніку «Беларусь» у артыкуле пра Курапаты адзначалася, што там НКВД у 1930‑я расстрэльвала бязьвінных жыхароў Беларусі. Падавалася і лічба ахвяраў, якая, паводле дадзеных яшчэ савецкай урадавай камісіі, складала ад 30 да 100 тысячаў. Праз дзесяць гадоў выйшаў адпаведны том «Беларускай энцыкляпэдыі». Разгарнуў яго і чытаю, што ў Курапатах расстрэльвалі ці то фашысты, ці то НКВД. І ні слова пра колькасьць ахвяраў. У той самай энцыкляпэдыі 1995 г. ёсьць інфармацыя пра Слуцкае паўстаньне й цытата з рэзалюцыі зьезду Случчыны, які абвяшчалася часткаю БНР. Тамсама быў засьведчаны намер арганізаваць збройны чын у абарону незалежнасьці. У пазьнейшай энцыкляпэдыі артыкул пра Слуцкае паўстаньне старанна адрэдагаваны.

— Сучасная Беларусь таксама мае праблемы з нацыянальнымі героямі. На банкнотах няма постацяў. На пачатку 1990-х там былі зайцы, рысі ды іншыя зьвяры, цяпер — будынкі. Немагчыма знайсьці колькі постацяў, зь якімі б сябе ідэнтыфікавалі і грамадзтва, і ўлады?

— Былы кіраўнік Нацыянальнага Банку Станіслаў Багданкевіч сьцьвярджае, што валюта з выявамі Эўфрасіньні Полацкай і іншых нашых нацыянальных герояў была надрукаваная. Гэтыя грошы недзе на складох чакаюць лепшых часоў…

Гутарылі Анджэй Бжазецкі і Малгажата Ноцунь, журналісты польскай газэты «Тыгоднік паўшэхны»

14:30, 10 верасьня 2007, Хартыя'97

Літаратуразнаўца Лявон Баршчэўскі адказаў на пытаньні пра эўраінтэграцыю і заклікаў далучыцца да Эўрапейскага маршу "За свабоду", які пачнецца ў 14:00 14 кастрычніка на Кастрычніцкай плошчы.

- Ці ведаеце Вы пра прапановы Эўрапейскага Зьвязу Беларусі?

- Так я ведаю пра прапановы ЭЗ.

- Ці лічыце Вы, што для Беларусі карыстае супрацоўніцтва з ЭЗ?

- Я ўпэўнены, што гэтыя прапановы вельмі карысныя для Беларусі, яны могуць уратаваць нашу эканоміку і краіну ўвогуле.

- Ці ведаеце Вы, што 14 кастрычніка адбудзецца Эўрапейскі марш?

- Ведаю.

- А ці пойдзеце?

- Я пайду, бо гэта адна зь нешматлікіх акцыяў, на якіх мы можам сабрацца разам і выказаць сваю пазыцыю, тым больш падчас гэтай акцыі высоўваюцца канкрэтныя патрабаваньні да ўлады.

14:17, 10 верасьня 2007, Прэс-група Партыі БНФ

Прыехаў Лукашэнка на Захад, ў Гарадзенскую вобласьць і распавёў тамтэйшым сялянам, што рубель наш стабільны. Ну, няхай сабе, у яго работа такая. Але праз колькі дзён паехаў на Усход, і зноў: “...финансовая система "нестабильна" только для доморощенных экономистов-оппозиционеров. Экономика Беларуси не рухнет...”. (Цытата: БЕЛТА)

Няўжо нейкія эканамісты прымусілі ў стабільнасьці запэўніваць? Потым старшыня Нацыянальнага банку Пракаповіч прамаўляў. Таго хвалюе, зноў жа паводле дзяржаўнага агенцтва БЕЛТА, што асноўную масу валютных запасаў насельніцтва захоўвае ў далярах. Дзеля гэтага нават ад прывязкі нашага рубля да расейскага адмовіліся. Прывязаліся да грашовай адзінкі ЗША – галоўнага ворага усіх лукашэнкавых пачынаньняў.

Нешта ня лепіцца ўсё гэтае адно да аднога. Таму арганізатары Эўрапейскага Маршу сабралі разам згаданых эканамістаў, каб тыя распавялі: што іх натхняе ў нашых “вялікіх дасягненьнях”, а што – не на жарт палохае. Паслухалі, падсумавалі – і вось што атрымалася.

Расея паставілася да нас інакш. Ня хоча болей плаціць нам таннымі нафтаю і газам за стратэгічнае сяброўства. Паварот гэты сёлета каштаваць нам будзе ня меньш за 3 000 000 000 (тры мільярды) даляраў. Па адным хвалёным сярэднямесячным заробку страцім на кожную жывую душу.

Нафта і газ увесь час даражэюць. Грошай у расейцаў хапае. Заводы свае, якія выпускаюць тое самае, што і нашы, яны падмацавалі і ўжо робяць нам канкурэнцыю. Таму на нашых завадзкіх складах паболела запасаў. Мала таго, што чвэрць прадпрыемстваў стратныя, дык па некаторых галінах нераспраданай прадукцыі столькі, колькі яны за цэлы квартал выпускаюць.

Сказаць, што ўся гаспадарка ў заняпадзе, паводле існае статыстыкі нельга. Рост ВУП налічылі ў 7-8%. Але нафты мы сёлета купілі на 1/5, газу на 1/10 меней, чым летась. Значыць, і вырабаў зь іх прададзім меней. Мяса ў нас замежнікі набылі на 1/3 меньш, чым ў мінулым годзе і на малачко ня надта кінуліся: ўсяго на 4% больш за леташняе мы прадалі.

Грошы тым часам на разлікі патрэбныя штомесяц. Ну, прадалі Белтрансгаз, прадалі Вэлком... А далей? Дзе шукаць? Тыя расейцы прапануюць, як і апошнія 400 гадоў, адное і тое – аддавайце нам вашу Беларусь. Аддалі б, але ж уладу неахвота губляць. Таму кінуліся пазычаць, дзе ні попадзя і ва ўсе спосабы. Ня ім жа аддаваць прыдзецца – нам, разам. Агулам, і дзяржава, і прадпрыемствы на сёняшні дзень ужо больш за 8 000 000 000 (восемь мільярдаў) даляраў вінаватыя. На чвэрць болей, чым летась. Дык што, на наступны год 10 мільярдаў пазычым, потым 20 – каб за старое разьлічыцца?

Найлепей атрымліваць тыя даляры як утаргоўку ад экспарту. Але ж, найхутчэй, Беларусь сёлета набудзе за мяжою на 6 000 000 000 (шэсць мільярдаў) даляраў больш тавару, чым туды прадасьць.

Застанецца ўраду купляць даляры ў людзей і прадпрыемстваў за рублі. Калі попыт вялікі будзе – стане даляр даражэць, а рубель адносна даляра зробіцца таньнейшы. Пэнсіі, стыпэндыі, зарплаты – ўсё ў рублях, а заначка – што ў людзей, што ў дзяржавы – ў далярах. Што будуць людзі рабіць, як стане даляр даражэць, купляць даляры ці здаваць? Купляць будуць. І ўрад таксама. І тыя, хто імпартовыя тавары прывозіць. Тут табе і інфляцыя, і дэвальвацыя.

Каму гэта спадабаецца? Ужо зараз цэны разгарнуцца не даюць. Зусім сталі эўрапейскія. Каб гэта ведаць і прапаганды ня трэба -- дабярыся да Беластоку ці Вільні, і ўсё зразумелым робіцца. Бо на перакуску ў палову батона ды пакет малака, робячы тое самае на сярэднім працоўным месцы, заробіш у нас за паўгадзіны, у Літве за 20 хвілін, а ў Польшчы – за 10. Праўда, кідацца, як у палонку, у сьвет на заробкі, ня кожны здольны.

Трэба, каб тут была эўрапейская зарплата. Людзі працавітыя, разумныя ўсе. Чаму ж за тую самую зьмену польскі рабочы робіць на экспарт удвая болей за нашага, а амэрыканскі - ажно ў дзесяць разоў? І рукі, і галовы у іх такія самыя. Проста заводы навейшыя і арганізавана ўсё лепей. Каб у нас так было, мусім далучацца да агульнае плыні: атрымліваць ня грошы на спажываньне, а тэхналёгіі, стандарты, спосабы дзеяньня. Гэта ўсё побач, у Эўропе. Будзем рабіць эўрапейскі тавар - у нас яго купяць.

І яшчэ. Эўрапейскія дырэктары на прадпрыемствах не дабрачыннасьцю займаюцца - вытворчасцю. А зарплату высокую плоцяць, каб людзі лепей працавалі: рынак гаспадара падціскае; і з другога боку – прафсаюз. Мусіць варушыцца, прыдумваць, шукаць, навукаю цікавіцца і палітыкаю.

Дзе нашая палітыка? Дзе прафсаюзы? Ніхто не абараняе чалавека ад хібаў ўлады, ад несправядлівасьці работадаўцы. Адзін на ўсіх начальнік. Як у Расеі. Але няма у нас расейскага экспарту: газу, нафты, лесу, нікелю, дыямэнтаў. Як у Эўропе.

Таму няма беларусам іньшых выйсьцяў да нармалёвага жыцьця, як свабода, майстэрства ў працы і хрысьціянская вера, што зьяднаныя ў нашай культуры і мове.

Спытаемся самі сябе пра простыя рэчы:

Чаму наш бэнзін самы дарагі ў Эўропе?

Чаму літовец зарабляе ўдвая болей за беларуса, і мінімальны заробак там 215 даляраў?

Чаму доля заработнай платы ў кошце тавару ў Эуропе ўдвая вышэй за нашыя 30%.

Чаму бутэлька піва ў Салігорску ўдвая даражэй, чым ў Данецку?

Чаму эстонец ў 2000 годзе атрымліваў ў эўра ўдвая болей за сёньняшняга беларуса?

13:04, 10 верасьня 2007, Міхал Залескі

← Сентябрь 2007 →

11 11.09.2007 18:38:27 19:56:55

У сярэдзіне жніўня па маёй ініцыятыве (як кіраўніка Аргкамітэту Эўрапейскага маршу) прайшоў круглы стол беларускіх незалежных эканамістаў, які высьвятліў, што беларуская эканоміка знаходзіцца ў перадкрызісным стане:

1) у гэтым годзе ўраду, банкам і прадпрыемствам неабходна аддаць 8 млрд. даляраў запазычанасьцяў;

2) у гэтым годзе за газ і нафту неабходна заплаціць на 3 млрд. даляраў больш, чым у мінулым, 2006 годзе. У 2008 годзе трэба будзе заплаціць яшчэ на 2 млрд. даляраў больш, чым у 2007 годзе;

3) скарачаецца экспарт беларускіх тавараў (у сувязі зь іх падаражаньнем і ростам канкурэнцыі з боку аналягічных нашым расейскіх лядоўняў, тэлевізараў, трактараў і г.д.) Адпаведна скарачаецца і валютная выручка ад экспарту. У гэтым годзе мы прададзім менш, чым купім на 6 млрд. даляраў;

4) выйсьце – рынкавыя рэформы, рэструктурызацыя эканомікі, прыцягненьне інвэстыцыяў і новых тэхналёгіяў, мадэрнізацыя вытворчасьці і выхад беларускіх тавараў на эўрапейскі рынак, падвышэньне канкурэнтаздольнасьці беларускіх тавараў на расейскім рынку.

Але ўлады пакуль адмовіліся ад першага (рэфармацыйнага) варыянту і пачалі пакрыху прадаваць маёмасьць. Але галоўным кірункам стаў пошук крэдытаў паўсюль, дзе толькі можна, на любых умовах.

Тут важна ўлічыць, што:

1) знайсьці мільярдныя крэдыты ў Расеі не атрымліваецца, бо Крэмль жорстка патрабуе плаціць за энэрганосьбіты, а калі няма грошаў, гатовы ўзяць найбольш ліквіднымі заводамі. Ісьці гэтым шляхам Лукашэнка баіцца, бо можа згубіць уладу (прычым не праз свабодныя выбары, а ад падсыпанага ў гарбату палёнія);

2) знайсьці крэдыты ў сяброў-дыктатараў з Азіі, Афрыкі і Лацінскай Амэрыкі не атрымліваецца, бо яны гатовыя фінансаваць сумесныя праекты, але толькі на тэрыторыі сваіх краінаў, каб грошы заставаліся ў іх эканоміках;

3) грошы можна ўзяць у Эўропе (і 3 млрд. даляраў беларускія “камэрцыйныя банкі” ўжо набралі ў эўрапейскіх камэрцыйных банках, але крэдыты гэтыя “кароткія” – на 1 год). Безумоўна, гэтага мала, а ўзяць больш можна толькі выконваючы 12 умоваў дэмакратызацыі.

Перад усім беларускім грамадзтвам: і перад уладамі, і перад апазыцыяй, і перад простымі людзьмі паўстае жорсткі геапалітычны выбар: ці ісьці ў Эўропу, ці быць паглынутымі Расеяй.

І менавіта па гэтым пытаньні зараз пойдзе разьмежаваньне і ва ўладзе, і ў апазыцыі, і ў простым народзе.

Праэўрапейскі сілы ва ўладзе спрабуюць наладзіць дыялёг з Эўропай (пакуль што імкнуцца зрабіць гэта, ігнаруючы апазыцыю). Яскравым сьведчаньнем гэтых памкненьняў стаў візыт у Брусэль намесьніка міністра замежных справаў Валерыя Варанецкага. У сваім выступе ён заклікаў Эўразьвяз “перайсьці ад словаў да справы”, заявіў, што “Беларусь і Эўразьвяз аднолькава важныя адно для аднаго” і прапанаваў распачаць паўнамаштабнае супрацоўніцтва па пытаньнях энэргетыкі, аховы навакольнага асяродзьдзя, барацьбы зь нелегальнай міграцыяй, і галоўнае – прыцягнуць інвэстыцыі ў беларускую эканоміку.

Прамаскоўскія сілы ва ўладзе імкнуцца сарваць дыялёг з Эўропаю, арганізуючы рэпрэсіі супраць апазыцыі. Яскравы прыклад – суды над маладафронтаўцамі ў Нясьвіжы і Салігорску акурат падчас візыту сп. Варанецкага ў Брусэль. Вынік – вярхоўны камісар Эўразьвязу па зьнешніх сувязях сп-ня Бэніта Фэрэра-Вальднэр заявіла: “Ніякае пашырэньне супрацоўніцтва Беларусі і Эўразьвязу немагчымае, пакуль ў Беларусі груба парушаюцца правы чалавека”.

Праэўрапейскія сілы ў апазыцыі арганізуюць Эўрапейскі марш “За свабоду” і заклікаюць беларускія ўлады пайсьці на дыялёг з апазыцыяй, растлумачваючы ўладам, што гэта зьяўляецца абавязковай перадумовай дыялёгу з Эўропай.

Прамаскоўскія сілы ў апазыцыі імкнуцца інфармацыйна блякаваць Эўрапейскі марш, адначасова раскручваючы тэзу аб немагчымасьці дыялёгу з антынародным рэжымам, які арганізуе рэпрэсіі супраць свайго народу і вядзе яго да галечы.

У беларускім грамадзтве на травень 2007 году прыкладна 45 % былі за інтэграцыю з Эўропай, 31 % - супраць. 70 % заяўляе, што гатовыя пацярпець эканамічныя цяжкасьці, дзеля захаваньня незалежнасьці Беларусі, але 30 %- кажа, што дзеля таго, каб пазьбегнуць эканамічных праблемаў, неабходна ўвайсьці ў склад Расеі.

Але трэба ўлічваць, што цяжкасьці яшчэ не пачаліся, і як будуць вагацца настроі грамадзтва, калі крызіс наступіць, невядома. Таксама трэба ўлічваць рознасьць сытуацыі, калі дзяржаўная прапаганда “вядзе кампанію за незалежную Беларусь”, калі яна павядзе кампанію “за аб’яднаньне з Расеяй”. (Такія чынам 45 % - за Эўропу, 30 % - за Расею, 25 % - ні першае, ні другое).

Дарэчы ў гэтым кантэксьце трэба разглядаць і “Сацыяльны марш”, які можа прыняць аб’ектыўна-прарасейскі характар, калі ён пойдзе пад лёзунгамі “Далоў антынародны рэжым”. БНФ павінен дамагчыся, каб ад арганізатараў “Сацыяльнага маршу” уладам пайшло пасланьне:

1) пры захаваньні нязьменнай сацыяльна-эканамічнай і палітычнай сыстэмы і пры няўмольным курсе Расеі на эканамічнае ўдушэньне Беларусі з мэтай яе паглынаньня сацыяльныя выбухі непазьбежныя, таксама як непазьбежнае адхіленьне Лукашэнкі ад улады;

2) толькі дыялёг уладаў і апазыцыі з наступныя далучэньнем Эўразьвязу да працэсу рэфармаваньня беларускай эканомікі, можа уратаваць Беларусь ад сацыяльна-эканамічных закалотаў;

3) АДС абяцаюць устрымацца ад спэкуляцыяў на аб’ектыўных цяжкасьцях пераходнага пэрыяду ў выпадку, калі ўлады пойдуць на сапраўдныя рынкавыя і дэмакратычныя рэформы.

У гэтым жа кантэксьце трэба разглядаць і ўдзел БНФ у выбарчай кампаніі 2008 году. Усе кандыдаты ў дэпутаты і сябры іх камандаў, ужо ў верасьні павінны далучыцца да кампаніі Эўрапейскі марш “За свабоду”:

1) распаўсюджваць інфармацыйныя матэрыялы Эўрапейскага маршу;

2) выкарыстоўваць усе свае магчымасьці для папулярызацыі Эўрапейскага маршу – сайты, бюлетэні, электронныя рассылкі, абтэлефанаваньне сябраў і прыхільнікаў;

3) прыйсьці на акцыю Эўрапейскі марш 14 кастрычніка 2007 году ў 14:00 на Кастрычніцкую плошчу;

4) стварыць сьпісы людзей, якія згодныя вылучыцца ў выбарчыя камісіі;

5) выкарыстоўваць усе рэсурсы, што можна атрымаць пад выбары, на прапаганду Эўрапейскага выбару для Беларусі, кампаніі Эўрапейскі марш “За свабоду” і арганізацыю масавых акцыяў 25 сакавіка 2008 году пад лёзунгам “За незалежную Беларусь у аб’яднанай Эўропе”.

12:31, 10 верасьня 2007, Намесьнік старшыні Партыі БНФ Віктар Івашкевіч

В избранное

{#template MAIN} <div id="loginForm" style="display:none;" class="subscriberu_popup"> <div class="popup_register"> {#include js_tmpl_auth_reg_tab} {#if $P.login_register_tab == 1} <form class="authentication-form" method="post" action="/MEMBERLOGIN_authen_cred"> <dl class="rg_block_options"> <dt id="js_tap_panel_auth"> <h1>Войти на сайт</h1> {* {#include js_tmpl_auth_reg_button} *} {#include js_tmpl_auth_reg_action} <hr class="logreg_line noPhones"> <div class="logreg_descr noPhones"><p>{#include js_tmpl_auth_reg_descr} </p></div> <div class="logreg_advice noPhones"> Если вы еще не с нами, то начните с <a href="#" onclick="rgNav('js_tab_reg');return false;" class="dashed" data-func="registr">регистрации</a> </div> <br><br> <a class="dashed auth-enter" href="/manage/author/"><b>Вход для авторов</b></a> </dt> </dl> </form> {#/if} {#if $P.login_register_tab == 2} <div class="rg_block_options"> <div id="js_tap_panel_auth"> <h1>Регистрация</h1> <div class="social_reg"> {* <div class="rg_description">{#include js_tmpl_soc_auth_reg_descr}</div> *} {#include js_tmpl_auth_reg_soc} <div class="rg_soc_auth_agree">{#include js_tmpl_auth_reg_agree}</div> </div> <div class="subscribe_reg"> {* <div class="rg_description"> #include js_tmpl_auth_reg_descr </div> *} {#include js_tmpl_auth_reg_action} </div> {* {#include js_tmpl_auth_reg_button} *} <div class="clr"> </div> <hr class="logreg_line noPhones"> <div class="logreg_descr noPhones">{#include js_tmpl_auth_reg_descr} {#include js_tmpl_soc_auth_reg_descr} </div> </div> </div> {#/if} </div> {* <div class="gray_bg register_shadow"></div> *} </div> {#/template MAIN} {#template js_tmpl_auth_reg_tab} <ul class="rg_nav"> <li id="js_tab_auth" class="{#if $P.login_register_tab == 1} rg_active_nav {#/if} rg_first_nav"><a onclick="rgNav('js_tab_auth');return false;" href="">Вход на сайт</a></li> <li id="js_tab_reg" class="{#if $P.login_register_tab == 2} rg_active_nav {#/if}"><a onclick="rgNav('js_tab_reg');return false;" href="">Регистрация </a></li> </ul> <span onclick="hidebo();" class="rg_closed"> </span> {#/template js_tmpl_auth_reg_tab} {#template js_tmpl_auth_reg_action} {#if $P.login_register_tab == 1} {#include js_tmpl_auth_reg_soc} {#/if} <div class="rg_forms"> <input type="hidden" id="login_register_destination" value="{$P.login_register_destination}"/> {#if $P.login_register_tab == 1} <div class="rg_for_input"> <span class="rg_text_inner">E-mail или код подписчика</span> <input id="credential_0" class="js_keydown_selector rg_input_text" data-js_submit="no" data-js_next_input_name="credential_1" name="" type="text" /> </div> <div class="rg_for_input"> <span class="rg_text_inner">Пароль</span> <input id="credential_1" class="js_keydown_selector rg_input_text" data-js_submit="yes" data-js_action="js_loginFormBut" name="" type="password" onkeyup="showAttention(this,!!window.event.shiftKey)" /> <span class="pswd_attention" id="attention_pswd"> <span class="icon_attention"></span> <span class="pswd_attention-text" id="attention-text_pswd1">Русская раскладка клавиатуры!</span> <span class="pswd_attention-text" id="attention-text_pswd2">У вас включен Caps Lock!</span> <span class="pswd_attention-text" id="attention-text_pswd3">У вас включен Caps Lock и русская раскладка клавиатуры!</span> </span> </div> <div class="rg_for_input input-alien"> <span class="chk noPhones"><input id="chk_alien" name="" type="checkbox" /></span><label for="chk_alien" class="noPhones"> Чужой компьютер</label> <a class="forgot_pass" href="/member/totalrecall">Забыли пароль?</a> </div> <div class="rg_for_input"> <em id="auth_msg" class="reg_error"></em> <input id="lf_typeauthid" value="email" type="hidden"> <input type="submit" class="button button-red logreg_submit" id="js_loginFormBut" value="Войти">  <div class="loading loading-cover" style="display: none;"><div class="loader"></div></div> </div> {#/if} {#if $P.login_register_tab == 2} <div class="rg_for_input"> <span class="rg_text_inner">E-mail</span> <input id="arfemail" class="js_keydown_selector rg_input_text" name="" type="text" data-js_submit="yes" data-js_action="js_regFormBut"/> </div> <div class="rg_for_input rg_set_lineh rg_for_input_wide"> <label class="js_tap_panel_checkbox"> <span class="chk"><input name="" id='js_tap_panel_checkbox_terms' type="checkbox" data-js_submit="yes" /></span> Я ознакомился и согласен с <a class="link_txd logreg_accLink" href="/faq/vereinbarung.html">условиями сервиса Subscribe.ru</a> </label> <br /> <label class="js_tap_panel_checkbox"> <span class="chk"><input name="" id='js_tap_panel_checkbox_personal' type="checkbox" data-js_submit="yes" /></span> Нажимая на кнопку "Готово!", я даю <a class="link_txd logreg_accLink" href="/faq/persverordnung.html">согласие на обработку персональных данных</a> </label> </div> {* <div style="float: left;position: absolute;left: 11em;"> <img src="http://www.kupivip.ru/images/vip/logo.png?1604" style="width: 86px; vertical-align: middle;display: block;"> </div> <div class="rg_for_input rg_set_lineh"> <label class="js_tap_panel_checkbox"><input name="" id="js_tap_panel_checkbox_kupivip" type="checkbox" data-js_submit="yes"> Я хочу получать новости о скидках на одежду</label> </div> *} <div class="rg_for_input"> <em id="reg_msg" class="reg_error rg_for_input_wide"></em> <em id="reg_msg2" class="reg_error rg_for_input_wide"></em> <input id="rf_typeauthid" value="email" type="hidden"> <a class="button button-red logreg_submit" id="js_regFormBut" href="#">Готово!</a> <div class="loading loading-cover" style="display: none;"><div class="loader"></div></div> </div> {#/if} </div> {#/template js_tmpl_auth_reg_action} {#template js_tmpl_auth_reg_agree} <div class="rg_for_input rg_set_lineh rg_for_input_wide"> <label class="js_tap_panel_checkbox"> <span class="chk"><input name="" id='js_tap_panel_checkbox_terms_reg' type="checkbox" data-js_submit="yes" /></span> Я ознакомился и согласен с <a class="link_txd logreg_accLink" href="/faq/vereinbarung.html">условиями сервиса Subscribe.ru</a></label> <em id="reg_msg_soc" class="reg_error rg_for_input_wide"></em> </div> {#/template js_tmpl_auth_reg_agree} {#template js_tmpl_auth_reg_button} <div class="rg_butons_socials"> {#if $P.login_register_tab == 1} <a class="rg_btn_soc rg_bs_01 js_tap_panel_selector" action="auth_email" href="#"><span><i></i>Email</span></a> <a class="rg_btn_soc rg_bs_01 js_tap_panel_selector" action="auth_openid" href="#"><span><i></i>OpenID</span></a> <a class="rg_btn_soc rg_bs_02 js_tap_panel_selector" action="auth_vkontakte" href="#"><span><i></i>Вконтакте</span></a> <a class="rg_btn_soc rg_bs_02 js_tap_panel_selector" action="auth_mailru" href="#"><span><i></i>Mail.Ru</span></a> {#/if} {#if $P.login_register_tab == 2} <a class="rg_btn_soc rg_bs_01 js_tap_panel_selector" action="reg_email" href="#"><span><i></i>Email</span></a> <a class="rg_btn_soc rg_bs_01 js_tap_panel_selector" action="reg_openid" href="#"><span><i></i>OpenID</span></a> <a class="rg_btn_soc rg_bs_02 js_tap_panel_selector" action="reg_vkontakte" href="#"><span><i></i>Вконтакте</span></a> <a class="rg_btn_soc rg_bs_02 js_tap_panel_selector" action="reg_mailru" href="#"><span><i></i>Mail.Ru</span></a> {#/if} </div> {#/template js_tmpl_auth_reg_button} {#template js_tmpl_auth_reg_descr} {#if $P.login_register_tab == 1} Для оформления подписки на выбранную рассылку, работы с интересующей вас группой или доступа в нужный вам раздел, просим авторизоваться на Subscribe.ru {#/if} {#if $P.login_register_tab == 2} Для регистрации укажите ваш e-mail адрес. Адрес должен быть действующим, на него сразу после регистрации будет отправлено письмо с инструкциями и кодом подтверждения. {#/if} {#/template js_tmpl_auth_reg_descr} {#template js_tmpl_soc_auth_reg_descr} Или зарегистрируйтесь через социальную сеть. {#/template js_tmpl_soc_auth_reg_descr} {#template js_tmpl_auth_reg_soc} <div class="rg_soc"> {#if $P.login_register_tab == 1} <a onclick="return _checkSocConfirm(event)" href="https://oauth.vk.com/authorize?client_id=3954260&scope=wall,offline,photos,groups,video,audio,email&redirect_uri={location.protocol+'//'+location.host}/member/login/vk/&response_type=code&v=5.15" class="login_register_vk_button"> <span class="login_register_vk_icon"></span> </a> {#/if} {#if $P.login_register_tab == 2} <a onclick="return _checkSocConfirm(event)" href="https://oauth.vk.com/authorize?client_id=3954260&scope=wall,offline,photos,groups,video,audio,email&redirect_uri={location.protocol+'//'+location.host}/member/join/vk&response_type=code&v=5.15" class="login_register_vk_button"> <span class="login_register_vk_icon"></span> </a> {#/if} </div> {#/template js_tmpl_auth_reg_soc}

{#template MAIN} <div id="loginForm" style="display:none;" class="subscriberu_popup"> <div class="popup_register"> {#include js_tmpl_auth_reg_tab} <dl class="rg_block_options"> <dt id="js_tap_panel_auth"> <p class="rg_description">{#include js_tmpl_auth_reg_descr}</p> <div class="clr"> </div> {#include js_tmpl_auth_reg_action} <div class="clr"> </div> </dt> </dl> </div>  </div> {#/template MAIN} {#template js_tmpl_auth_reg_tab} <ul class="rg_nav"> <li id="js_tab_reg" class="rg_active_nav rg_first_nav"><a href="" onclick="return false;" >Регистрация</a></li> </ul> <span onclick="hidebo();" class="rg_closed"> </span> {#/template js_tmpl_auth_reg_tab} {#template js_tmpl_auth_reg_descr} <strong>Пожалуйста, подтвердите ваш адрес.</strong><br><br>Вам отправлено письмо для подтверждения вашего адреса {$P.register_confirm_mail}.<br>Для подтверждения адреса перейдите по ссылке из этого письма. {#/template js_tmpl_auth_reg_descr} {#template js_tmpl_auth_reg_action} <div class="rg_forms confirm_code_from_letter"> <div class="rg_for_input"> <span class="rg_inp_descr" style="width:15em;">Или введите код из письма:</span> <input type="text" value="" id="confirm_code" name="" data-js_submit="yes" data-js_action="js_confirmFormBut" class="js_keydown_selector rg_input_text_conf" > </div> <div class="rg_for_input"><label>Не пришло письмо? <b>Пожалуйста, проверьте папку Спам</b><br /> (папку для нежелательной почты).</label><br /> <a href="" onclick="ajax_recall_code();return false" >Вышлите мне письмо еще раз!</a></div> <div class="rg_for_input"> <em class="reg_error" id="confirm_msg"></em> <a href="#" class="button button-red" id="js_confirmFormBut">Готово</a> <div class="loading loading-cover" style="display: none;"><div class="loader"></div></div> <br> </div> </div> {#/template js_tmpl_auth_reg_action}