[minsk-news] Белорусский Социальный Форум
Здравствуйте, minsk-news.
Народ, кто нибудь хочет посетить такое мероприятие?
http://www.navinki.net/bsforum/
13 кастрычнiка 2003 года y Мiнску была створана iнiцыятыyная група па
арганiзацыi Беларускага Сацыяльнага Форуму (БСФ), якi плануецца
правесьцi y верасьнi 2004 года. У групу yвайшлi прадстаyнiкi Федэрацыi
Анархiстаy Беларусi, руху <<Разам>>, Беларускай Лiгi Лямбда, рэдакцыi
газэты <<Навiнкi>>, арганiзацыяy <<Працоyная моладзь>>, <<Маладая грамада>>,
менскай групы ATTAC i iншых грамадзкiх i культурных iнiцыятыy
Беларусi.
Беларускi Сацыяльны Форум задуманы як рэалiзацыя на нацыянальным
узроyнi iдэi, што бярэ свой пачатак з Глабальнага Сацыяльнага Форуму
(ГСФ), арганiзаванага yпершыню y Порта Алегрэ (Бразылiя) y студзенi
2001 года. Посьпех сустрэчы паспрыяy таму, што, пачынаючы з 2002 года,
iнiцыятыва атрымала працяг у выглядзе правядзеньня падобных форумаy на
кантынентальным (Эyрапейскi, Афрыканскi, Азыяцкi i Панамазонскi
сацыяльныя форумы), нацыянальным (больш за трыццаць) i нават лакальным
узроyнях.
У адпаведнасьцi з Хартыяй ГСФ, сфармуляванай у Бразылii y 2001 годзе,
Сацыяльны Форум, незалежна ад узроyня, засноyваецца на наступных
базавых прынцыпах :
1. Сацыяльны форум - прастора адкрытай i свабоднай камунiкацыi,
створаная з мэтай дэмакратычнага абмену iдэямi, прапановамi, досьведам
разнастайных удзельнiкаy грамадзянскай супольнасьцi, якiя выступаюць
за альтэрнтыву нэалiбералiзму, панаваньню капiтала i любой iншай формы
дыктатуры, за грамадзтва, дзе галоyнымi каштоyнасьцямi зьяyляюцца
чалавек, ягоныя правы, роyнасьць i салiдарнасьць памiж людзьмi.
2. Сацыяльны форум павiнен пакласьцi пачатак пастаяннаму працэсу
пошуку i распрацоyкi альтэрнатываy нэалiбералiзму, па-за
мерапрыемствамi самой сустрэчы.
3. Альтэрнатывы, прапанаваныя на Глабальным Сацыяльным Форуме,
выступаюць супраць працэсу капiталiстычнай глабалiзацыi, што
адбываецца y iнтарэсах транснацыянальных карпарацыяy i абслугоyваецца
падпарадкаванымi iм урадамi i мiжнароднымi iнстытутамi. Гэтыя
альтэрнатывы накiраваныя на стварэньне салiдарнай мадэлi грамадзтва i
глабалiзацыi (iнтэрнацыяналiзму), якая б паважала унiвэрсальныя правы
чалавека, усiх грамадзян i народаy, i захоyвала б навакольнае
асяродзьдзе.
4. Сацыяльны форум абъядноyвае разнастайныя грамадзкiя арганiзацыi i
рухi, але не прэтэндуе на тое, каб прадстаyляць yсю грамадзянскую
супольнасьць.
5. Сустрэчы на Сацыяльным форуме не накiраваныя на прыняцьце адзiнага
рашэньня y якасьцi агульнай пазыцыi yсяго Форума. На Форуме не
прадугледжваецца нiякага афiцыйнага галасаваньня па нiякiм пытаньнi.
Нiхто не мае права выказваць сваю пазыцыю, выдаючы яе за пазыцыю yсiх
удзельнiкаy Форума. Па вызначэньню, Сацыяльны Форум не прэтэндуе на
выпрацоyку <<адзiнай правiльнай>> альтэрнатывы ад iмя yсiх удзельнiкаy.
6. Падчас сустрэчы, удзельнiкi Форума могуць свабодна абмяркоyваць i
выпрацоyваць yласныя альбо сумесныя рашэньнi i праекты. Прынятыя
рашэньнi могуць дэкляравацца i шырока паведамляцца без анiякiх
абмежаваньняy, iерархii цi цэнзуры, але толькi y якасьцi рашэньняy
канкрэтных удзельнiкаy цi груп удзельнiкаy.
7. Сацыяльны Форум заснаваны на прынцыпах плюралiзму i разнастайнасьцi
yдзельнiкаy. Ён не можа быць арганiзаваны нiякай партыяй, урадавай
структурай цi рэлiгiйнай канфэсiяй. Форум арганiзуецца i дзейнiчае y
якасьцi дэцэнтралiзаванай сеткi канкрэтных грамадзкiх праектаy i
iнiцыятыy.
8. Сацыяльны форум адкрыты для удзелу максымальна разнастайных
арганiзацый i рухаy, выступаючы супраць дыскрымiнацыi па палавой,
расавай, этнiчнай, узроставай цi культурнай прыкмеце. Сябры палiтычных
партыяy ня могуць быць удзельнiкамi Форуму y якасьцi партыйных
прадстаyнiкоy, але партыi могуць аказваць Форуму падтрымку.
9. Сацыяльны Форум выступае супраць любога таталiтарнага i
аднабаковага бачаньня эканомiкi, разьвiцьцьця i гiсторыi, супраць
дзяржаyнага гвалту як сродку грамадзкага кантролю.
Да yдзелу y арганiзацыi i правядзеньнi Беларускага Сацыяльнага Форуму
запрашаюцца yсе асобы, грамадзкiя арганiзацыi, абъяднаньнi, прафсаюзы,
iнiцыятывы, творчыя калектывы i iншыя, хто падзяляе выкладзеныя вышэй
прынцыпы. Для заявы аб удзеле просьба зьвязацца з аргкамiтэтам Форуму
па адрэсу bsfor***@t*****.by
