К вам, яко заступником и хранителем живота моего аз oкаянный припадая, молюся: подадите мне молитвами вашими дневное пребывание, богоугодно и неискусно oт злых деянии и помышлений прейти. Отверзите слух uшию моею, да uслышу и разумею дела и словеса Божия душеполезная, да прозрю внутреннима oчима, тьмою греховною oбдержимый. Молите за мя, по вся часы согрешающаго, да не пояст мене мечь ярости Господни: зело бо превзыдоша беззакония моя на главу мою, и яко время тяжкое oтяготеша на мне. Ты же, Господи мой Господи,
призри на мя, и помилуй мя, и изведи из темницы греховныя душу мою, прежде даже не oтиду oтсюду, и не прииду на Страшный oный Суд Твой. Приими молящияся за ны святыя Ангелы Твоя, иже oкрест престола Твоего выну со страхом предстоят, и тех молитвами, изряднее же Пречистыя Твоея Матере, избави мя Страшнаго oнаго и грознаго суда Твоегою. Ты бо єси Агнец Божий, вземляй всего мира грехи, распятый на кресте нашего ради спасения; вонми молитве моей, и посли Ангела Хранителя души моей и телу, да тем наставляем,
избавлюся oт всяких врагов видимых и невидимых, и сподоблюся получити Твою милость, со всеми oт века Тебе благоугодившими, яко Ты єси Бог наш, и к Тебе прибегаю, и на Тя надеюся, аще и согреших паче человек, но Тебе не oтступих, ни руку моею воздех ко иному богу, Тебе молюся, Господи Иисусе Христе, Тя благословлю, и Тебе покланяюся oт Троицы Единому, со Отцем и Святым Духом, ныне и присно, и во веки веков. Аминь.
Тропарь Безплотным Силам, глас 4
Небесных воинств Архистратизи, молим вас присно мы недостойнии, да вашими молитвами oградите нас кровом крил невещественныя вашея славы, сохраняюще ны припадающия прилежно и вопиющия: oт бед избавите ны, яко чиноначальницы вышних сил.
Кондак Безплотным Силам, глас 2
Архистратизи Божии, служителие Божественныя славы, ангелов начальницы и человеков наставницы, полезное нам просите и велию милость, яко безплотных Архистратизи.
Величание
Величаем вас, Архангели и Ангели и вся воинства, Херувими и Серафими, славящие Господа.
Михаил Чернов
Источник: молитва ко святым ангелам http://vsemolitva.ru/c146.html
