Отправляет email-рассылки с помощью сервиса Sendsay

Татарская электронная библиотека

Подписаться Бесплатная «Серебряная» новостная рассылка . Подписчиков 173 RSS
←   Март 2009   →
 1
 2
 3
 4
 5
 6
 7
 8
 9
10
11
12
13
14
15
16
17
18
19
20
21
22
23
24
25
26
27
28
29
30
31


За последние 60 дней ни разу не выходила


Сайт рассылки: http://kitap.net.ru/
Открыта: 24-01-2007

Автор
Марат

Статистика

173 подписчиков
0 за неделю
←   Все выпуски   →

Татарская электронная библиотека N 32



Маннур Саттаров

СОВЕТ ЧОРЫ. ШИГЫРЬЛӘР

ЮБИЛЯР ӘТӘЧ

Әй зурладылар Әтәчне
Юбилей кичәсендә:
"Аттыра таңын ходайның
Җырлап һәр иртәсендә".

- Трибун Әтәч, кычкыра ул
Менеп читәнгә, - диләр, -
Насыйп булсын төшми шуннан
Йөзгә җитәргә, - диләр.

Каз сөйли: - Урынлы саныйм
Әйтүне шушы хакта:
Былбылың торсын бер якта
Әтәч сайраган чакта!

Күркә әйтә: "Гомере буе
Булды гел формада ул,
Каз-үрдәкләрдән уздырып,
Йөзде дә, чумды да да ул.

Туры килде яшьтән аңа
Әтәчлеген акларга.
Канга батып сугышса да,
Сер бирмәде ятларга!"

Тавык сөйли: - Без Әтәчне
Хөрмәтлибез шуңа, - ди, -
Җим тапса да үзе капмый,
Безе дәшә сыйга, - ди.

"Әтәч - семьянин, - ди Үрдәк, -
Беләбез моны тәк тә.
Мәхәббәттә тугрылыклы,
Чапмый күрше кетәккә.

Эш-көрәштә үтте гомере,
Белмәде алны-ялны.
Бар батырлыкларыннан тыш
Әле йомырка салды!"

Тавыклар, онытып әдәпне,
Көлеште кыткылдашып.
Тик дулкынланган Әтәчнең
Күз яше чыкты ташып.


Һәм героик гомерен ул
Кабат күздән кичерә,
Тик йомырка салган җәе
Төшми никтер исенә.



АЛМА БИРДЕМ, АШАДЫҢ

Алма бирдем, ашадың,
Кабыгын кая ташладың?
Нәчәлник булган көнеңнән
Исәнләшми башладың.


Самовар куйдым күмерсез,
Кайнап чыгар, күрерсез.
Барыгыз да йокламагыз,
Докладчыга күңелсез.

Быел килгән кыр казлары
Өч әйләнде Казанны.
Өч китаптан цитат кыркып,
Хәй галимлек казанды.


Бөгелә билем, бөгелә билем,
Бөгелә билем сул якка.
Бөгелмәс иде сул якка,
Нәчәлнигем шул якта.

Хатынымнан бизәсем юк,
Мәҗбүри яраттыра.
Дәштертеп мине месткомга,
Мәхәббәт яңарттыра.

Болыт агыла икән,
Тауга кагыла икән.
Казанда фатирың булса,
Кияү табыла икән.

Тот бокалың, Гаптелбарый,
Хуҗалык сиңа карый.
Зур окладлы эш сорамыйм,
Завсклад та ярый.

Кызарып байган кояшның
Залга төшә яктысы.
Җыелыш залларында үтте
Гомеремнең яртысы.

Су буйлары тирәк иде,
Тирәге сирәк иде.
Докладыңны кеше язгач,
Танышу кирәк иде!

Әхмәдинең Сирае,
Көн дә якты чырае.
Иртәгә кил дия-дия,
Үтеп китте бер ае.

Исә җилләр, исә җилләр,
Искән җилләр файдага.
Искән җилне сиңа яздык,
Эш хакың ал, кайнага!

Безнең урам көн дә буран,
Җен адашса юл тапмас.
Үзе шундый булган адәм
Бу җырларга кул чапмас.



БАЛА АШАТУ

Әлли-бәлли иттерергә
Үз әнкәсе бар аның.
Кыстый-кыстый ашатырга
Ун нәнкәсе бар аның.


Калак тоткан әнкәсе
Табак тоткан нәнкәсе,
Алма тоткан апасы,
Кәнфит тоткан әткәсе
- Ашамасаң, мин ашыйм, - дип,
Авызын ачкан әбкәсе.

Тыпыр-тыпыр бииләр,
Бар да көен көйлиләр.
Тамагы туктыр димиләр,
- Ник ашамый бу? - диләр.

Җайлап карый әнкәсе,
Янап карый әткәсе,
Идән буйлап,кашык тотып,
Куып йөри әбкәсе,
Артларыннан табак белән
Ботка сөйри нәнкәсе.

Песи баскан каршына,
Маэмай качкан артына,
"Мин ашыйм" да "мин ашыйм" дип,
Килеп җиткән барсы да.

"Мияу-мияу!" - апасы,
"Кыйгак-кыйгак" - атасы,
"Бак-бак-бак-бак!" - әбкәсе,
"Кыт-кыт-кыт-кыт!" - нәнкәсе.
- Китегез сез, үзе ашый! - дип,
Куып тора әнкәсе.

Әбкәсенә ач кебек,
Нәнкәсенә тук кебек.
Әнкәсенә атна буе
Капканы да юк кебек.

Чәбәк-чәбәк әнкәсе,
Чыбык эзли әткәсе,
Борып-борып чеметергә
Җаен көтә нәнкәсе.
- Кыйнамагыз, ашый ул, - дип,
Аерып ала әбкәсе.

Җиде төрле аш кына,
- Аша, балам, - чак кына!
Бала, мескен, кашык күрсә,
Кача өстәл астына.


- Аурыйдыр, - ди әнкәсе,
- Врач дәш! - ди әткәсе.
- Врач нәстә белә соң ул,
Өшкертик! - ди әбкәсе.
Барысын тотып өшкерергә
Кызыгып тора нәнкәсе.


Яңа әсәрләр:

28.02.09
  • Фарит Фарисов. Тайны татарского народа (часть 1). Проблема равенства конфессий: Ислам - Христианство
  • Фарит Фарисов. Тайны татарского народа (часть 2). Татарские рыцари Великой Руси
  • Фарит Фарисов. Тайны татарского народа (часть 3). Из истории национального образования
  • Фарит Фарисов. Тайны татарского народа (часть 5). Кул Гали и его время

    • 20.02.09
  • Рафаэль Мустафин. Поэт негаснущей романтики (Хади Такташ)
  • Рафаэль Мустафин. Страницы героической жизни (Муса Джалиль)
  • Потомственное дворянство Казанской губернии 1785-1917 гг.

    • 19.02.09
  • Рафаэль Хаким. История татар и Татарстана: методологические и теоретические проблемы
  • Рафаэль Хаким. Кто ты, татарин?

    • 18.02.09
  • Их именами названы улицы Казани: Александр Вишневский
  • Их именами названы улицы Казани: Иван Волков
  • Их именами названы улицы Казани: Юрий Гагарин
  • Их именами названы улицы Казани: Аркадий Гайдар
  • Их именами названы улицы Казани: Алексей Галактионов
  • Их именами названы улицы Казани: Нургаяз Гарифьянов
  • Их именами названы улицы Казани: Сергей Гассар
  • Их именами названы улицы Казани: Маджит Гафури
  • Их именами названы улицы Казани: Ярослав Гашек

    • 17.02.09
  • Их именами названы улицы Казани: Демьян Бедный
  • Их именами названы улицы Казани: Владимир Бехтерев
  • Их именами названы улицы Казани: Василий Блюхер
  • Их именами названы улицы Казани: Александр Бутлеров
  • Их именами названы улицы Казани: Мулланур Вахитов

    • 16.02.09
  • Спартак Ахметов. День Венеры (Фантастическая повесть)
  • Спартак Ахметов. Байкальский вариант (Фантастический рассказ)

    • 15.02.09
  • Маннур Саттаров. Совет чоры. Шигырьләр
  • Маннур Саттаров. «Үзгәртеп кору» чоры. Шигырьләр
  • Маннур Саттаров. Леший с ружьем. Сатирические стихи
  • Маннур Саттаров. Фронтовые воспоминания
  • Маннур Саттаров. Письма фронтового друга



    • «Татарская электронная библиотека» - выпуск № 32, 04.03.2009 г.

    В избранное