Подписаться Бесплатная новостная рассылка Подписчиков 155 RSS

← Май 2008 →
	1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

За последние 60 дней ни разу не выходила

Сайт рассылки: http://pbnf.org
Открыта: 08-03-2007

Автор

Ната Сеніна

Статистика

155 подписчиков
0 за неделю

← Все выпуски →

Naviny ad Partyi BNF

"Прага вясны" - адбылася прэзэнтацыя кнігі пра герояў 2007 году

29 траўня, сядзіба Партыі БНФ. Адбылася прэзэнтацыі зборніка нарысаў аб 14 грамадзкіх актывістах, якія былі засуджаныя ў 2007 годзе па палітычных матывах. Героі кнігі - Канстанцін Лукашоў, Зьміцер Хведарук, Барыс Гарэцкі, Алег Корбан, Аляксей Янушэўскі, Наста Палажанка, Валер Шчукін, Андрэй Клімаў, Наста Азарка, Іван Шыла, Яраслаў Грышчэня, Зьміцер Дашкевіч, Натальля Ільініч і Артур Фінькевіч - атрымалі крымінальныя прысуды ў 2007 годзе.

Віцэ-прэзыдэнт міжнароднай фэдэрацыі абароны правоў чалавека Алесь Бяляцкі выказаў падзяку ўсім журналістам, якія адгукнуліся на просьбу напісаць нарысы пра асуджаных актывістаў.

"Я лічу сябе бацькам ідэі стварэньня гэтай кнігі, - сказаў Алесь Бяляцкі. - Але маёй была толькі ідэя. Дзякуй тым людзям, якія ідэю падхапілі і ажыцьцявілі".

Паводле Алеся Бяляцкага, на наступны год мае выйсьці працяг "Прагі вясны".

"Ужо зараз маем 14 асуджаных па "справе 14-ці", - сказаў праваабаронца. - За год, я думаю, асуджаных стане яшчэ больш. А кожны з гэтых людзей варты таго, каб пра яго напісалі, каб яго гісторыю запомнілі. Падчас стварэньня гэтага зборніка мы зразумелі адну рэч: гісторыі ў прынцыпе пра адно і тое ж - затрымалі, асудзілі, пасадзілі за краты, - але кожная ёсьць унікальнай і непаўторнай. А таму цікавай".

Мэта выданьня - ня толькі пералічыць выпадкі парушэньня правоў чалавека, але і паглядзець на герояў не ў інфармацыйным, а ў чалавечым пляне.

Падчас прэзэнтацыі выступілі героі кнігі Канстанцін Лукашоў, Наста Палажанка, Валер Шчукін, Андрэй Клімаў і Артур Фінькевіч.

16:15, 29 траўня 2008, Прэс-група Партыі БНФ

Беларускамоўнае навучаньне і выхаваньне: нацыянальная бясьпека і незалежнасьць краіны

23 мая ў Мінску прайшла асамблея “Беларускамоўнае навучанне і выхаванне: нацыянальная бяспека і незалежнасць краіны” прадстаўнікоў дзвюх грамадскіх аб’яднанняў “Таварыства беларускай школы” і “Таварыства беларускай мовы імя Францыска Скарыны”. З аднайменным дакладам выступіў старшыня РГА “ТБШ” Алесь Лозка. У абмеркаванні яго прынялі ўдзел Алег Трусаў (ТБМ), Тамара Мацкевіч (ТБШ), Алесь Сядзяка (настаўнік, Мінск), Язэп Стэфановіч (прафесар, НАН), Таццяна Канопкіна (ТБШ, Гродна), Уладзімір Колас (педагог, рэжысэр), Вінцук Вячорка (БНФ), Алена Анісім (Інстытут мовазнаўства НАН) і інш.

Удзельнікі прынялі наступную заяву (падаецца далей).

Затым адбылася VII справаздачна-выбарная асамблея Таварыства беларускай школы. Кіраўніком яго зноў абраны педагог і фалькларыст Алесь Лозка, намеснікамі – Алесь Сядзяка (настаўнік), Максім Чарняўскі (кандыдат гістарычных навук, археолаг НАН), Тамара Мацкевіч (ТБШ).

ЗАЯВА

асамблеі “Беларускамоўнае навучанне і выхаванне:

нацыянальная бяспека і незалежнасць краіны”,

праведзенай 23 мая 2008 года грамадскімі аб’яднаннямі

“Таварыства беларускай школы” і

“Таварыства беларускай мовы імя Францыска Скарыны”

Абмеркаваўшы стан навучання і выхавання ў адукацыйных установах краіны, прадстаўнікі дзвюх арганізацый канстатуюць, што апошнія 12 гадоў установы адукацыі краіны вымушаны працаваць ва ўмовах крайняй нестабільнасці.

1. Неапраўдана часта змяняюцца вучэбныя планы, праграмы, падручнікі. У канцы 90-х гадоў падставай для замены дапаможнікаў была наяўнасць у іх гістарычнага сімвалу, як, напрыклад, у “Буквары”. Цяпер выключаюцца з праграмаў творы таленавітых, у тым ліку народных, пісьменнікаў. Прапануюць скасаваць – таксама шляхам неапраўданага злучэння ў адну – навучальныя дысцыпліны. Перадузятаму рэфармаванню найперш паддаюцца дысцыпліны, якія фармуюць патрыятызм, грамадзянскія пачуцці, маральныя якасці, эстэтычны густ: літаратура, гісторыя, мастацкая культура.

2. Дзеля г.зв. аптымізацыі зачыняюцца школы, ліцэі, ВНУ, сярод якіх установы, якія складалі гонар беларускай адукацыі, – Беларускі гуманітарны ліцэй з яго рэгіянальнымі філіямі і Еўрапейскі гуманітарны ўніверсітэт.

3. Неабгрунтаваная, амаль штогадовая змена правілаў прыёму ў ВНУ і размеркавання выпускнікоў стварае сітуацыю нераўнапраўя для абітурыентаў і выпускнікоў вышэйшай школы розных гадоў, прыводзіць да зніжэння якасці адбору будучых спецыялістаў, стварае нервовую атмасферу ў грамадстве ў цэлым.

4. Беларуская мова як мова навучання і выхавання, а таксама як прадмет надалей маргіналізуецца, дыскрымінуецца. Ствараюцца ўмовы для паслядоўнага скарачэння колькасці вучняў, якія займаюцца па-беларуску.

5. Пазбаўленне навучэнцкай моладзі, пачынаючы з малодшага школьнага ўзросту, ільготаў на праезд сур’ёзна ўплывае на дабрабыт іхніх сем’яў, стварае дадатковае сацыяльнае напружанне. Да гэтай праблемы істотна дадаецца недахоп студэнцкіх інтэрнатаў.

6. Школы і ўніверсітэты пачынаюць выкарыстоўвацца як інструмент палітычнага ўціску. З ВНУ па надуманых прычынах нават выключаюць найбольш таленавітых і творчых студэнтаў з патрыятычнымі і дэмакратычнымі перакананнямі (Акадэмія кіравання, БДЭУ, ГДУ, МДЛУ, БДУ і інш.). Не на дэмакратызацыю і асобу працуе навязаная кантрактная сістэма, псеўдаграмадскія арганізацыі ў адукацыйных установах.

Пра глыбокі крызіс у адукацыйнай сферы сведчыць неадпаведнасць цяперашняй беларускай адукацыі еўрапейскім стандартам, яе недастатковая фінансавая падтрымка і жорсткі ідэалагічны ўціск. Сотні прафесіяналаў з’язджаюць на працу за мяжу. Моладзевая эміграцыя набыла самыя маштабныя памеры.

Перад новым наступам на беларускую школу, які плануецца ў выглядзе чарговай псеўдарэформы, у абарону прафесіяналізму і педагагічнай кампетэнтнасці выступілі настаўнікі-пераможцы рэспубліканскіх конкурсаў розных гадоў, былыя работнікі Міністэрства адукацыі, найбольш свядомыя і знаныя ў гэтай сферы спецыялісты. Педагагічная і бацькоўская грамадскасць адчувае страх і трывогу з-за пагрозы рэпрэсіяў.

Непрадбачлівыя ініцыятывы супрацоўнікаў Міністэрства адукацыі і наваяўленых спецыялістаў у кіраўніцтве краіны адбіваюцца на прэстыжы Беларусі за межамі краіны, на грамадзянскім спакоі і перспектывах устойлівага развіцця дзяржавы. Неабходная сапраўдная рэформа, скіраваная на збліжэнне з еўрапейскімі стандартамі, на выхаванне адукаваных і карысных сваёй краіне грамадзянаў і патрыётаў, але яна нават не планавалася. Пытанне насамрэч не ў працягласці навучання, а ў стаўленні да нацыянальнай сістэмы адукацыі.

Асамблея настойліва рэкамендуе:

Каб унікнуць паспешлівасці і новых памылак, Міністэрству адукацыі на працягу года правесці работу для асэнсавання і аналізу сітуацыі, навуковага і эканамічнага абгрунтавання і стварэння новай канцэпцыі развіцця беларускай адукацыі, угрунтаванай на нацыянальным і сусветным досведзе.

Разумеючы найважнейшае значэнне нацыянальна-культурных каштоўнасцяў, беларускай мовы, гуманітарных прадметаў у фармаванні грамадзянскай супольнасці, адказнай за лёс краіны, у выхаванні высокіх чалавечых якасцяў, беларускага патрыятызму, адпаведна прадставіць у школьных вучэбных планах “Беларускую мову”, “Беларускую літаратуру”, “Гісторыю Беларусі”, “Айчынную і сусветную мастацкую культуру”, а таксама аднавіць экзамен па беларускай літаратуры.

Усведамляючы, што людзі нараджаюцца з неаднолькавымі магчымасцямі і задаткамі, пазбягаць непедагагічнага прынцыпу “адзін капыл” пры стварэнні канцэпцыі размеркавання сістэмы класаў і тыпаў устаноў (паглыбленыя, профільныя; гімназіі, ліцэі і г.д.), зберагчы створаную і апрабаваную сетку гімназіяў, ліцэяў, ліцэйскіх класаў.

З мэтай набліжэння нашай адукацыі да сусветных нормаў, росту яе прэстыжнасці ў грамадстве распрацаваць захады дзеля дапасавання сістэмы айчыннай адукацыі да Балонскага працэсу.

Забяспечыць належны кантроль за выкананнем канстытуцыйных нормаў выкарыстання беларускай мовы ва ўстановах рэспублікі, Пастановы Міністэрства адукацыі ад 27 жніўня 2002 г. “Праграма дадатковых мер па пашырэнні сферы выкарыстання беларускай мовы ў сістэме адукацыі”.

Асамблея выступае з ініцыятывай правядзення сёлета Бацькоўскага Форуму з удзелам прадстаўнікоў бацькоўскіх радаў і бацькоўскіх камітэтаў школ краіны з мэтай абмеркавання планаванай рэформы адукацыі.

13:03, 29 траўня 2008, Заява ТБШ і ТБМ

Дыскусію пра АЭС Беларускі Народны Фронт распачаў яшчэ ў пачатку 90-х гадоў

Прапануем увазе чытачоў тэксты, якія апублікавалі ў фронтаўскай і агульнанацыянальнай прэсе спэцыялісты і сябры Апазыцыі БНФ на тэму стварэньня ў краіне атамнай энэргетыкі ў 1993 г.

У НАС НЯМА МАГЧЫМАСЬЦЯЎ ДЛЯ ПРОСТЫХ РАШЭНЬНЯЎ

У распрацаванай БНФ канцэпцыі эканамічнае рэформы сфармуляваная мэта — стварэньне эфэктыўнай канкурэнтаздольнай эканомікі. Вызначаны і сродкі яе дасягненьня: упарадкаваньне дачыненьняў уласнасьці, антыманапольнае заканадаўства, сацыяльна збалянсаваная бюджэтная палітыка, незалежная крэдытна-фінансавая сыстэма.

Аднак гэта палова справы. Канцэпцыі нестае прапановаў да структурнай перабудовы гаспадаркі Беларусі (выэначэньне шляхоў эканамічнай інтэграцыі Беларусі ў эўрапейскую гаспадарку), якія неабходна распрацаваць, каб надаць канцэпцыі замкнёны выгляд.

Калі мы хочам стаць сапраўды незалежнаю дзяржавай, правадзейным членам сусьветнага супольніцтва, дык нам трэба навучыцца жыць за кошт сваёй працы ў гэтым супольніцтве. Прадаваць тое, што ў нас ёсьць ці можа быць выраблена зь лішкам і высокай якасьці, ды купляць тое, чаго нестае. Сёньня, аднак, прадукцыя нашае гаспадаркі неканкурэнтаздольная ані на эўрапейскім, ані на сусьветным рынку. У нас няма за што купляць патрэбныя нам нафту, газ, жалеза, бавоўну і г.д., і наўрад ці ў блізкай будучыні мы здолеем пастаўляць нашыя МАЗы, трактары, тэлевізары, лядоўні, вылічальныя машыны і г.д. на Захад ці на Ўсход не па дэмпінгавых цэнах. I наагул, сусьветны рынак насычаны традыцыйнымі відамі тавараў, і замежныя вытворцы ня будуць спрыяць наладжваньню вытворчасьці гэтых тавараў у нас.

Аднак шмат якія эўрапейскія краіны, прыкладам, Германія, Італія, Аўстрыя, краіны Цэнтральнай Эўропы, маюць патрэбу ў электрычнай энэргіі. Электраэнэргія – неблагі тавар, адзін зь нямногіх, які мы можам вырабляць на сусьветным узроўні і які, зьяўляючыся адным з галоўных падмуркаў цывілізацыі, мае, бадай што, неабмежаваную пэрспэктыву. Геаграфічнае становішча Беларусі дазваляе пастаўляць энэргію замежным спажыўцам з малымі стратамі. Да таго ж, пры наяўнасьці адносна танных і дастаткова кваліфікаваных працоўных рэсурсаў, дзеяздольнай вытворчай базы, радовішчаў алюмініевай сыравіны, высокая энэргазабясьпечанасьць Беларусі дазволіць стварыць спрыяльныя ўмовы для структурнае перабудовы нашае гаспадаркі з удзелам замежнага капіталу.

Аднак, як лічаць спэцыялісты, разьвіваць на Беларусі для гэтых мэтаў паліўную энэргетыку немэтазгодна. Па-першае, таму, што мы практычна ня маем ані каменнага вугалю, ані нафты, ані газу. А па-другое, гэта небясьпечна з экалягічных меркаваньняў. Для Беларусі электрычная энэргія можа стаць нацыянальным таварам і рухавіком уздыму эканомікі ў тым разе, калі вырабляць яе будуць на; атамных станцыях. Ва ўмовах нармальнай эксплюатацыі сучасных па канструкцыі рэактараў вытворчасьць электраэнэргіі на АЭС будзе больш экалягічнай, больш тэхналягічнай, больш эканамічнай, больш пэрспэктыўнай, чым на паліўных. Спэцыялісты гэта ведаюць і даказваюць.

Галоўная праблема атамнай энэргетыкі – бясьпека атамнай станцыі ў аварыйнай сытуацыі. Пытаньне ў тым, каб аварыя не перарасла ў катастрофу, як у Чарнобылі. Прапановы забараніць будаўніцтва новых АЭС, закрыць існыя, уяўляюцца нерэальнымі. Сёньня чалавецтва ня зможа існаваць бяз атамнай энэргіі. Таму і нам прыйдзецца будаваць. А калі не захочам, дык усё роўна зь цягам часу будзем акружаныя атамнымі станцыямі яшчэ больш, чым сёньня. Не атрымліваючы ніякіх выгадаў ад атамнай энэргетычнай тэхналёгіі, будзем спаўна атрымліваць сваю долю рызыкі. Таму трэба не адмаўляцца ад атамнай энэргетыкі, а нарошчваць намаганьні дзеля яе бясьпекі.

Наша канцэпцыя бясьпекі атамнай энэргетыкі будуецца на чатырох галоўных прынцыпах. Першы — буйнамаштабнасьць. Вялікія аб’ёмы вытворчасьці і эканамічнасьць дазволяць накіраваць неабходныя сродкі для распрацоўкі бясьпекі атамных станцыяў. Другі — незалежнасьць, што дазволіць самастойна прымаць рашэньні, кіруючыся ўласнай неабходнасьцю, выгадай, бясьпекай. Трэці — усталяваньне цывілізаваных дачыненьняў уласнасьці, што дазволіць стварыць умовы адказнасьці за бясьпечнае выкарыстаньне вытворчасьцяў — крыніцаў небясьпекі. Чацьверты — выкарыстаньне новых, падвышанай надзейнасьці, рэактараў чацьвертага пакаленьня. Скептыкі могуць сказаць: рызыка катастрафічнай аварыі ўсё-такі застаецца. Так, іншага няма. Каб выжыць і стаць цывілізаванаю краінаю, давядзецца і рыэыку прыняць, і адказнасьць на сябе ўзяць за прынятыя рашэньні. Альтэрнатывай гэтаму — бязьдзейнасьць, якая вядзе да яшчэ большае рызыкі марненьня і заняпаду нацыі.

Хацеў бы, каб мяне правільна зразумелі. Я не настойваю на гэтай прапанове. Настойваю на неабходнасьці пошуку ў кірунку наданьня ўстойлівасьці сацыяльна-эканамічнаму становішчу Беларусі, што немагчыма без вырашэньня фінансавай і энэргетычнай праблемаў. Ад дня сёньняшняга і на пэрспэктыву. Гэта падмурак вырашэньня ўсіх астатніх праблемаў. Частка такога рашэньня выкладзена тут у якасьці прапановы для абмеркаваньня.

Мечыслаў Бурак,

інжынэр, кандыдат тэхнічных навук

Друкуючы артыкул сп. М.Бурака, рэдакцыя разумее, наколькі балючую для Беларусі, пацярпелай ад Чарнобыльскай катастрофы, праблему ўздымае аўтар. Разам з тым нельга не пагадзіцца са спадаром Бураком, што праблема пошукаў крыніцаў энэргіі для Беларусі вельмі актуальная. Таму запрашаем чытачоў "Навінаў" выказацца наконт пэрспэктываў разьвіцьця ядзернай энэргетыкі на Беларусі. Сладзяемся таксама атрымаць меркаваньні іншых спзцыялістаў, зь якімі пазнаёмім нашых чытачоў.

Навіны БНФ №3(38), 1-25 сакавіка 1993 г.

БЫЦЬ ЦІ НЕ БЫЦЬ АТАМНАЙ ЭНЕРГЕТЫЦЫ Ў РЭСПУБЛІЦЫ?

ДЛЯ МНОГІХ НЕ САКРЭТ, што на Беларусі існуе энергетычная праблема. Гэта абумоўлена, у першую чаргу, абмежаванай паліўна-энергетычнай базай. Сёння толькі 12 працэнтаў спажываемага паліва здабываецца ў самой Беларусі. Астатняя колькасць, у асноўным у выглядзе газу і нафты, пастаўляецца з Расіі. Па-другое, у нас не хапае магутнасцяў па выпрацоўцы электраэнергіі. Зараз больш як 25 працэнтаў яе патрэбы задавальняецца за кошт паставак з Літвы (Ігналінская АЭС) і Расіі (Смаленская АЭС).

Існуюць два галоўныя шляхі дасягнення ўстойлівага энергетычнага балансу. Першы – гэта эканомія. Аднак энергазберажэнне патрабуе радыкальных змен у структуры гаспадаркі і, адпаведна, шматмільярдных затрат.

Ёсць і іншы шлях. Статыстыка сведчыць: у багатых краінах, дзе і якасць жыцця вышэйшая, і навакольнае асяроддзе чысцейшае, выпрацоўка электрычнай і цеплавой энергіі на душу насельніцтва ў 1,5—2 разы перавышае існуючы ў нас узровень (у ЗША — нават у 3 разы). Таму развіваць нашу энергетычную базу трэба абавязкова. Але не паліўную энергетыку, бо мы не маем ні каменнага вугалю, ні нафты, ні газу. Яны запатрабуюцца на іншыя мэты — транспарт, хімічную вытворчасць, газіфікацыю вёскі, задавальненне патрэб існуючых цеплавых станцый.

Энергетычная праблема ў Беларусі, на нашу думку, павінна вырашацца шляхам стварэння і развіцця атамнай энергетыкі. Аднак, зведаўшы ўжо адзін Чарнобыль, многія адмоўна паставяцца да такой перспектывы. Але ж большасць прамыслова развітых краін схіляюцца ў бок паскоранага развіцця атамнай энергетыкі. Гэта тычыцца, напрыклад, ЗША, Японіі, Англіі, Германіі і інш. Не кажучы ўжо пра Францыю, якая сёння выпрацоўвае на АЭС 75 працэнтаў электраэнергіі, Бельгію (61 працэнт). Напрыклад, Паўднёвая Карэя ў 1991 годзе выпрацавала 47,5 працэнта электраэнергіі на АЭС, якія ўтрымліваюць 9 атамных рэактараў. У Японіі ў 1991 годзе дзейнічаў 41 атамны энергаблок агульнай магутнасцю 12 млн. кВт. Плануецца да 2010 года давесці яе да 72 млн. кВт, пабудаваўшы больш як 40 новых атамных энергаблокаў.

Сёння прадукцыя нашай гаспадаркі на сусветным рынку не з’яўляецца канкурэнтаздольнай. У нас няма за што купляць патрэбныя нам нафту, газ, электрычнасць. Перспектывы – змрочныя...

Маецца, аднак, спрыяльная для нас акалічнасць: многія еўрапейскія краіны, напрыклад, Германія. Італія, Аўстрыя, дзяржавы Цэнтральнай Еўропы, маюць патрэбу ў электраэнергіі. Гэта неблагі тавар, адзін з нямногіх, які мы можам вырабляць на сусветным узроўні якасці. Геаграфічнае становішча Беларусі дазваляе пастаўляць яе замежным спажыўцам з малымі стратамі. Да таго ж, пры наяўнасці адносна танных і дастаткова кваліфікаваных працоўных рэсурсаў, неблагой вытворчай базы высокая энергазабяспечанасць дазволіць стварыць у Беларусі спрыяльныя ўмовы для мадэрнізацыі гаспадаркі з удзелам замежнага капіталу.

Беларусь мае дастатковы прыродна-рэсурсны патэнцыял, каб размясціць неабходную колькасць такіх станцый. Для гэтага можна выкарыстаць таксама землі, якія выведзены цяпер з гаспадарчага абароту чарнобыльскай катастрофай.

Існуюць, аднак, сумненні ў надзейнасці захавання радыеактыўных адыходаў. Праблема канчаткова пакуль не вырашана. Аднак атамныя станцыі вырабляюць энергію з адносна малой колькасці ядзернага паліва. Радыеактыўныя адыходы ўтвараюцца таксама ў малых колькасцях. Таму існуе магчымасць вырашыць усе пытанні іх бяспечнага захавання шляхам лакалізацыі.

Галоўная праблема атамнай энергетыкі — бяспека атамнай станцыі ў аварыйнай сітуацыі. Задача ў тым, каб якая-небудзь аварыя не перарасла ў катастрофу, што мела месца ў Чарнобылі. Наша канцэпцыя грунтуецца на прапанове стварэння буйнамаштабнай атамнай энергетыкі. Гэта дазволіць не толькі дасягнуць энергетычнага балансу, палепшыць экалагічнае становішча, стварыць канкурэнтаздольную эканоміку, атрымаць валюту, але і забяспечыць (ніякага парадоксу тут няма) павышаны ўзровень ядзернай бяспекі.

Ва ўмовах буйнамаштабнай атамнай энергетыкі з’яўляецца магчымасць дасягнуць больш высокага ўзроўню ядзернай бяспекі Беларусі, чым ва ўмовах абмежаванага будаўніцтва АЭС ці нават іх адсутнасці наогул. Надыходзячы энергетычны крызіс, патрабаванні развіцця эканомікі, узрастанне цэн на энерганосьбіты і электраэнергію ўсё роўна прымусяць нас не сёння, дык заўтра пабудаваць адну-дзве атамныя станцыі. Але толькі развіваючы атамную тэхналогію, Беларусь здолее для сямі-васьмі атамных станцый забяспечыць больш высокі ўзровень бяспекі, чым для адной-дзвюх.

Зрабіўшы атамную энергетычную вытворчасць нацыянальнай справай, Беларусь зможа ўкладваць свой інтэлектуальны, навуковы і інжынерна-тэхнічны патэнцыял, працоўныя рэсурсы, уласныя сродкі і замежныя крэдыты ў распрацоўку і рэалізацыю яе бяспекі. Вялікія аб’ёмы вытворчасці і эканамічнасць выпрацоўкі электрычнай і цеплавой энергіі на атамных станцыях у далейшым акупяць выдаткі на забеспячэнне павышанай бяспекі. Спецыялісты ведаюць, што атамная энергетыка мае вялікія, пакуль што да канца не рэалізаваныя магчымасці вырашэння праблемы ядзернай бяспекі. Ужо сёння ў шэрагу краін (Швецыі, ЗША, Японіі, Расіі) вядзецца распрацоўка новых рэактараў чацвертага накалення. Такіх, як, напрыклад, інтэгральны рэактар ВПБЭР-600, які можна разглядаць як рэактар гарантаванай бяспекі. Верагоднасць цяжкой аварыі тут у сотні разоў меншая, чым на эксплуатуемых цяпер. Рэактар такога тыпу (АSТ-500) для выпрацоўкі цяпла ўжо створаны і з’яўляецца самым бяспечным у свеце.

Такім чынам, неабходнасць дасягнення энергетычнага балансу ва ўмовах адсутнасці ўласных энерганосьбітаў, паляпшэння экалагічнага становішча, неабходнасць стварэння канкурэнтаздольнай эканомікі вымушаюць даць станоўчы адказ на пастаўленае ў назве артыкула пытанне. Пры гэтым, з мэтай павышэння ядзернай бяспекі, атамная энергетыка павінна быць менавіта буйнамаштабнай.

Скептыкі могуць сказаць: рызыка аварыі ўсё-такі застаецца. І гэта праўда. Але каб выжыць і стаць цывілізаванай краінай, прыйдзецца і рызыку прыняць, і нямала папрацаваць. Сумнай альтэрнатывай гэтаму з’яўляецца яшчэ большая рызыка гібення і поўнага заняпаду нацыі.

Лявон ТАРАСЕНКА,

віцэ-прэзідэнт Беларускага экалагічнага саюза, народны дэпутат Рэспублікі Беларусь, кандыдат біялагічных навук

Мечыслаў БУРАК,

інжынер, кандыдат тэхиічных навук

АД РЭДАКЦЫІ: Праблема, закранутая ў артыкуле, для Беларусі жыццёва важная, але і вельмі складаная. Адносіны да яе неадназначныя. Што, пасля ўсіх жахаў Чарнобыля клікаць на беларускую зямлю ядзернага джына? Але, сцвярджаюць некаторыя, ёсць вопыт багатага Захаду, тых самых Францыі і Бельгіі, якія «сядзяць» менавіта на ядзернай энергетыцы. Адным словам, і трэба штосьці распачынаць, і страшна штосьці рабіць.

Які ж падыход прымем, паважанае спадарства? Чакаем вашых думак і меркаванняў.

Звязда, 12 студзеня 1993 г.

12:42, 29 траўня 2008, Аналітычная камісія Партыі БНФ

Віншуем Валянціну Сьвяцкую зь юбілеем!

Бацькі Валянціны Сьвяцкай у 1956 годзе “адгукнуліся” на заклік партыі асвойваць цаліну і, пакінуўшы родную Вілейшчыну, пераехалі ў Казахстан ў Цалінаградзкаю вобласьць. Праз некалькі год у іх нарадзілася дачка.

Дзяцінства Валянціны Сьвяцкай прайшло ў Казахстане. Першае знаёмства з радзімай бацькоў – Беларусьсю – адбылося, калі дзяўчынка была ўжо школьніцай. Тады, будучы яшчэ дзіцём, Валянціна закахалася ў Беларусь і вырашыла абавязкова калі-небудзь туды вярнуцца. Але атрымалася так, што школу, а затым і фізыка-матэматычны факультэт Цалінаградзкага дзяржаўнага пэдагагічнага ўнівэрсытэту імя С. Сейфуліна Валянціна Сьвяцкая скончыла ў Казахстане. Нейкі час працавала настаўніцай матэматыкі ў Цалінаградзкай вобласьці.

І толькі ў 1981 годзе пераехала ў Беларусь. Працавала на Менскім трактарным заводзе: апэратарам ЭВМ, інжынерам-праграмістам, намесьнікам сакратара камітэта камсамолу, інструктарам парткаму і загадчыцай кабінэту палітасьветы; інструктарам у Менскім гарадзкім камітэце КПБ; пасьля прыпыненьня дзейнасьці кампартыі – у камэрцыйных структурах на розных пасадах; рэфэрэнтам, сакратаром савету Аграрнай партыі Беларусі; кіраўніком Сакратарыяту Вярхоўнага Савету Рэспублікі Беларусь ХІІІ скліканьня.

Валянціна Сьвяцкая - сябра Партыі БНФ з 2004. Уваходзіць у склад плянава-аналітычнай групы АДС. Старшыня Жаночай камісіі Партыі БНФ. Удзельнічала ў выбарах у Палату прадстаўнікоў Нацыянальнага сходу Рэспублікі Беларусь у якасьці кандыдата ў дэпутаты.

- Спадарыня Валянціна, што паўплывала на Вашае рашэньне далучыцца да дэмакратычнага руху Беларусі?

- Тут было шмат чыньнікаў: у мяне былі вельмі дэмакратычныя бацькі, якія вучылі заўсёды мець сваё меркаваньне, пашанцавала таксама зь інстытуцкімі выкладнікамі – калі быў забаронены акадэмік Сахараў, нам загадалі забраць зь бібліятэкі ўсе яго кнігі і вучыцца па іх, менавіта на студэнцкіх вечарынах я даведалася, хто такія Галіч, Візбар, Акуджава. Усё гэта заклала свабоднае дэмакратычнае мысьленьне, вальнадумства. Я лічу, што гэта вельмі добра, калі чалавек у любой сытуацыі мае сваё асабістае меркаваньне і не баіцца яго выказваць.

- Як Вам удалося трапляць на партыйныя пасады, улічваючы Вашае вальнадумства?

- Адыграла сваю ролю перабудова. Калі б не пачалася перабудова, я б ніколі ня трапіла ў камуністычную партыю. На хвалі новых ідэяў палічылі, што можна браць у партыю і вальнадумных людзей.

- Калі даведаліся пра рух “БНФ “Адраджэньне”?

- Тады, калі працавала ў парткаме Трактарнага заводу. Спачатку проста чула, што ствараецца арганізацыя нейкіх нефармалаў. Пасьля даведалася, што гэтыя нефармалы – адраджэнцы. А мне заўсёды, яшчэ нават калі жыла ў Казахстане, была вельмі цікавая беларуская мова, беларуская традыцыя, беларуская культура. Тады я нават на Трактарным заводзе пачала ствараць гурткі па вывучэньні беларускай мовы, гісторыі Беларусі.

- А як далучыліся да Партыі БНФ?

- У 1996 годзе я пазнаёмілася з Галінай Сямдзянавай, якая стала маёй добрай сяброўкай. Ведала шмат каго з заснавальнікаў Фронту. Мела зь імі добрыя адносіны, аднак у Партыю БНФ не запісвалася. А ў 2004 годзе, калі адбываліся выбары ў Палату прадстаўнікоў, я была кандыдатам і была падтрыманая Партыяй БНФ, якая нават вызваліла для мяне акругу. Атрымалася так, што мяне, якая не была сябрам БНФ, усе лічылі фронтаўкай. Таму я вырашыла, што нічога ня зьменіцца, калі падам афіцыйную заяву.

- Ці складана быць жанчынай у палітыцы? У Беларусі палітык – гэта прафэсія з мужчынскім тварам. Тое, што Вы – жанчына, перашкаджае ці дапамагае ў палітыцы?

- Сутыкалася з рознымі стаўленьнямі да жанчыны, якая ў палітыцы. Гэта і несур’ёзнае стаўленьне і нават страх такой жанчыны. Мне ўвесь час даводзілася працаваць з мужчынамі. І яны працавалі са мной як з мужчынам, ня робячы зьніжкі за мой пол. У той жа час, я лічу, што сваімі дзеяньнямі я змагла пераканаць шматлікіх мужчын у тым, што я магу нешта зрабіць ня горш, чым яны. Мне казалі некаторыя мае калегі, што ў мяне ёсьць адзін вялікі недахоп – тое, што для жанчыны я занадта разумная. Вось і такое было стаўленьне.

- Вы – старшыня жаночай камісіі Партыі БНФ. У свой дзень народзінаў што б хацелі пажадаць сабе і ўсім жанчынам БНФ?

- У Беларусі жанчына ў палітыцы – гэта ня толькі жанчына-палітык, гэта таксама жонкі і маці мужчын-палітыкаў. Жадаю ім упэўненасьці, прыгажосьці і мужнасьці.

11:44, 29 траўня 2008, Прэс-група Партыі БНФ

Супрацоўнікі КДБ затрымалі ў Менску Зьмітра Шыманскага

28 траўня, Менск. На вуліцы Камуністычнай супрацоўнікамі КДБ быў затрыманы старшыня Берасьцейскай абласной арганізацыі Партыі БНФ Зьміцер Шыманскі. Супрацоўнікі паведамілі спадару Шыманскаму, што дзейнічаюць па даручэньні дэпартамэнту фінансавых расьсьледаваньняў камітэту дзяржаўнага кантролю і канфіскавалі 1700 даляраў, якія той меў пры сабе.

"Яны паведамілі, што забіраюць грошы для таго, каб спраўдзіць, ці не фальшывыя яны, - кажа Зьміцер Шыманскі. - Аддаць абяцалі празь месяц".

Супрацоўнікі КДБ запатрабавалі, каб спадар Шыманскі напісаў тлумачальную наконт таго, адкуль мае 1700 даляраў. Зрабіць гэта Зьміцер Шыманскі адмовіўся.

"Зараз будзе праверка дэклярацый маіх даходаў, а таксама маёмасьці", - кажа кіраўнік абласной арганізацыі.

Падчас дагляду асабістых рэчаў вяліся відэаздымкі.

"Супрацоўнікі КДБ вельмі дэманстратыўна раскладалі і купюры, і незалежныя газэты, якія я меў пры сабе, - распавядае Зьміцер Шыманскі. - Не выключаю, што ў хуткім часе гэтыя запісы будуць выкарыстаныя на тэлебачаньні. Тут трэба ўлічыць і тое, што я - адзіны кандыдат ад АДС на выбарах у Палату прадстаўнікоў".

Яшчэ адзін цікавы момант: у той час, калі Зьміцера Шыманскага затрымалі, перасталі працаваць яго мабільныя тэлефоны - Вэлком і МТС, на рахунку кожнага зь якіх было дастаткова грошай.

"Нумар МТС запрацаваў празь дзьве гадзіны, а нумар Вэлком, як мне паведамілі, будзе адказваць толькі заўтра", - паведаміў Зьміцер Шыманскі.

21:08, 28 траўня 2008, Прэс-група Партыі БНФ

Віншуем Валянціну Сьвяцкую зь юбілеем!

valancina_sviackaja_400 Бацькі Валянціны Сьвяцкай у 1956 годзе “адгукнуліся” на заклік партыі асвойваць цаліну і, пакінуўшы родную Вілейшчыну, пераехалі ў Казахстан ў Цалінаградзкаю вобласьць. Праз некалькі год у іх нарадзілася дачка.
Дзяцінства Валянціны Сьвяцкай прайшло ў Казахстане. Першае знаёмства з радзімай бацькоў – Беларусьсю – адбылося, калі дзяўчынка была ўжо школьніцай. Тады, будучы яшчэ дзіцём, Валянціна закахалася ў Беларусь і вырашыла абавязкова калі-небудзь туды вярнуцца. Але атрымалася так, што школу, а затым і фізыка-матэматычны факультэт Цалінаградзкага дзяржаўнага пэдагагічнага ўнівэрсытэту імя С. Сейфуліна Валянціна Сьвяцкая скончыла ў Казахстане. Нейкі час працавала настаўніцай матэматыкі ў Цалінаградзкай вобласьці.
І толькі ў 1981 годзе пераехала ў Беларусь. Працавала на Менскім трактарным заводзе: апэратарам ЭВМ, інжынерам-праграмістам, намесьнікам сакратара камітэта камсамолу, інструктарам парткаму і загадчыцай кабінэту палітасьветы; інструктарам у Менскім гарадзкім камітэце КПБ; пасьля прыпыненьня дзейнасьці кампартыі – у камэрцыйных структурах на розных пасадах; рэфэрэнтам, сакратаром савету Аграрнай партыі Беларусі; кіраўніком Сакратарыяту Вярхоўнага Савету Рэспублікі Беларусь ХІІІ скліканьня.
Валянціна Сьвяцкая - сябра Партыі БНФ з 2004. Уваходзіць у склад плянава-аналітычнай групы АДС. Старшыня Жаночай камісіі Партыі БНФ. Удзельнічала ў выбарах у Палату прадстаўнікоў Нацыянальнага сходу Рэспублікі Беларусь у якасьці кандыдата ў дэпутаты.
- Спадарыня Валянціна, што паўплывала на Вашае рашэньне далучыцца да дэмакратычнага руху Беларусі?
- Тут было шмат чыньнікаў: у мяне былі вельмі дэмакратычныя бацькі, якія вучылі заўсёды мець сваё меркаваньне, пашанцавала таксама зь інстытуцкімі выкладнікамі – калі быў забаронены акадэмік Сахараў, нам загадалі забраць зь бібліятэкі ўсе яго кнігі і вучыцца па іх, менавіта на студэнцкіх вечарынах я даведалася, хто такія Галіч, Візбар, Акуджава. Усё гэта заклала свабоднае дэмакратычнае мысьленьне, вальнадумства. Я лічу, што гэта вельмі добра, калі чалавек у любой сытуацыі мае сваё асабістае меркаваньне і не баіцца яго выказваць.
- Як Вам удалося трапляць на партыйныя пасады, улічваючы Вашае вальнадумства?
- Адыграла сваю ролю перабудова. Калі б не пачалася перабудова, я б ніколі ня трапіла ў камуністычную партыю. На хвалі новых ідэяў палічылі, што можна браць у партыю і вальнадумных людзей.
- Калі даведаліся пра рух “БНФ “Адраджэньне”?
- Тады, калі працавала ў парткаме Трактарнага заводу. Спачатку проста чула, што ствараецца арганізацыя нейкіх нефармалаў. Пасьля даведалася, што гэтыя нефармалы – адраджэнцы. А мне заўсёды, яшчэ нават калі жыла ў Казахстане, была вельмі цікавая беларуская мова, беларуская традыцыя, беларуская культура. Тады я нават на Трактарным заводзе пачала ствараць гурткі па вывучэньні беларускай мовы, гісторыі Беларусі.
- А як далучыліся да Партыі БНФ?
- У 1996 годзе я пазнаёмілася з Галінай Сямдзянавай, якая стала маёй добрай сяброўкай. Ведала шмат каго з заснавальнікаў Фронту. Мела зь імі добрыя адносіны, аднак у Партыю БНФ не запісвалася. А ў 2004 годзе, калі адбываліся выбары ў Палату прадстаўнікоў, я была кандыдатам і была падтрыманая Партыяй БНФ, якая нават вызваліла для мяне акругу. Атрымалася так, што мяне, якая не была сябрам БНФ, усе лічылі фронтаўкай. Таму я вырашыла, што нічога ня зьменіцца, калі падам афіцыйную заяву.
- Ці складана быць жанчынай у палітыцы? У Беларусі палітык – гэта прафэсія з мужчынскім тварам. Тое, што Вы – жанчына, перашкаджае ці дапамагае ў палітыцы?
- Сутыкалася з рознымі стаўленьнямі да жанчыны, якая ў палітыцы. Гэта і несур’ёзнае стаўленьне і нават страх такой жанчыны. Мне ўвесь час даводзілася працаваць з мужчынамі. І яны працавалі са мной як з мужчынам, ня робячы зьніжкі за мой пол. У той жа час, я лічу, што сваімі дзеяньнямі я змагла пераканаць шматлікіх мужчын у тым, што я магу нешта зрабіць ня горш, чым яны. Мне казалі некаторыя мае калегі, што ў мяне ёсьць адзін вялікі недахоп – тое, што для жанчыны я занадта разумная. Вось і такое было стаўленьне.
- Вы – старшыня жаночай камісіі Партыі БНФ. У свой дзень народзінаў што б хацелі пажадаць сабе і ўсім жанчынам БНФ?
- У Беларусі жанчына ў палітыцы – гэта ня толькі жанчына-палітык, гэта таксама жонкі і маці мужчын-палітыкаў. Жадаю ім упэўненасьці, прыгажосьці і мужнасьці.

Дыскусійны клюб

aes_400

В избранное

{#template MAIN} <div id="loginForm" style="display:none;" class="subscriberu_popup"> <div class="popup_register"> {#include js_tmpl_auth_reg_tab} {#if $P.login_register_tab == 1} <form class="authentication-form" method="post" action="/MEMBERLOGIN_authen_cred"> <dl class="rg_block_options"> <dt id="js_tap_panel_auth"> <h1>Войти на сайт</h1> {* {#include js_tmpl_auth_reg_button} *} {#include js_tmpl_auth_reg_action} <hr class="logreg_line noPhones"> <div class="logreg_descr noPhones"><p>{#include js_tmpl_auth_reg_descr} </p></div> <div class="logreg_advice noPhones"> Если вы еще не с нами, то начните с <a href="#" onclick="rgNav('js_tab_reg');return false;" class="dashed" data-func="registr">регистрации</a> </div> <br><br> <a class="dashed auth-enter" href="/manage/author/"><b>Вход для авторов</b></a> </dt> </dl> </form> {#/if} {#if $P.login_register_tab == 2} <div class="rg_block_options"> <div id="js_tap_panel_auth"> <h1>Регистрация</h1> <div class="social_reg"> {* <div class="rg_description">{#include js_tmpl_soc_auth_reg_descr}</div> *} {#include js_tmpl_auth_reg_soc} <div class="rg_soc_auth_agree">{#include js_tmpl_auth_reg_agree}</div> </div> <div class="subscribe_reg"> {* <div class="rg_description"> #include js_tmpl_auth_reg_descr </div> *} {#include js_tmpl_auth_reg_action} </div> {* {#include js_tmpl_auth_reg_button} *} <div class="clr"> </div> <hr class="logreg_line noPhones"> <div class="logreg_descr noPhones">{#include js_tmpl_auth_reg_descr} {#include js_tmpl_soc_auth_reg_descr} </div> </div> </div> {#/if} </div> {* <div class="gray_bg register_shadow"></div> *} </div> {#/template MAIN} {#template js_tmpl_auth_reg_tab} <ul class="rg_nav"> <li id="js_tab_auth" class="{#if $P.login_register_tab == 1} rg_active_nav {#/if} rg_first_nav"><a onclick="rgNav('js_tab_auth');return false;" href="">Вход на сайт</a></li> <li id="js_tab_reg" class="{#if $P.login_register_tab == 2} rg_active_nav {#/if}"><a onclick="rgNav('js_tab_reg');return false;" href="">Регистрация </a></li> </ul> <span onclick="hidebo();" class="rg_closed"> </span> {#/template js_tmpl_auth_reg_tab} {#template js_tmpl_auth_reg_action} {#if $P.login_register_tab == 1} {#include js_tmpl_auth_reg_soc} {#/if} <div class="rg_forms"> <input type="hidden" id="login_register_destination" value="{$P.login_register_destination}"/> {#if $P.login_register_tab == 1} <div class="rg_for_input"> <span class="rg_text_inner">E-mail или код подписчика</span> <input id="credential_0" class="js_keydown_selector rg_input_text" data-js_submit="no" data-js_next_input_name="credential_1" name="" type="text" /> </div> <div class="rg_for_input"> <span class="rg_text_inner">Пароль</span> <input id="credential_1" class="js_keydown_selector rg_input_text" data-js_submit="yes" data-js_action="js_loginFormBut" name="" type="password" onkeyup="showAttention(this,!!window.event.shiftKey)" /> <span class="pswd_attention" id="attention_pswd"> <span class="icon_attention"></span> <span class="pswd_attention-text" id="attention-text_pswd1">Русская раскладка клавиатуры!</span> <span class="pswd_attention-text" id="attention-text_pswd2">У вас включен Caps Lock!</span> <span class="pswd_attention-text" id="attention-text_pswd3">У вас включен Caps Lock и русская раскладка клавиатуры!</span> </span> </div> <div class="rg_for_input input-alien"> <span class="chk noPhones"><input id="chk_alien" name="" type="checkbox" /></span><label for="chk_alien" class="noPhones"> Чужой компьютер</label> <a class="forgot_pass" href="/member/totalrecall">Забыли пароль?</a> </div> <div class="rg_for_input"> <em id="auth_msg" class="reg_error"></em> <input id="lf_typeauthid" value="email" type="hidden"> <input type="submit" class="button button-red logreg_submit" id="js_loginFormBut" value="Войти">  <div class="loading loading-cover" style="display: none;"><div class="loader"></div></div> </div> {#/if} {#if $P.login_register_tab == 2} <div class="rg_for_input"> <span class="rg_text_inner">E-mail</span> <input id="arfemail" class="js_keydown_selector rg_input_text" name="" type="text" data-js_submit="yes" data-js_action="js_regFormBut"/> </div> <div class="rg_for_input rg_set_lineh rg_for_input_wide"> <label class="js_tap_panel_checkbox"> <span class="chk"><input name="" id='js_tap_panel_checkbox_terms' type="checkbox" data-js_submit="yes" /></span> Я ознакомился и согласен с <a class="link_txd logreg_accLink" href="/faq/vereinbarung.html">условиями сервиса Subscribe.ru</a> </label> <br /> <label class="js_tap_panel_checkbox"> <span class="chk"><input name="" id='js_tap_panel_checkbox_personal' type="checkbox" data-js_submit="yes" /></span> Нажимая на кнопку "Готово!", я даю <a class="link_txd logreg_accLink" href="/faq/persverordnung.html">согласие на обработку персональных данных</a> </label> </div> {* <div style="float: left;position: absolute;left: 11em;"> <img src="http://www.kupivip.ru/images/vip/logo.png?1604" style="width: 86px; vertical-align: middle;display: block;"> </div> <div class="rg_for_input rg_set_lineh"> <label class="js_tap_panel_checkbox"><input name="" id="js_tap_panel_checkbox_kupivip" type="checkbox" data-js_submit="yes"> Я хочу получать новости о скидках на одежду</label> </div> *} <div class="rg_for_input"> <em id="reg_msg" class="reg_error rg_for_input_wide"></em> <em id="reg_msg2" class="reg_error rg_for_input_wide"></em> <input id="rf_typeauthid" value="email" type="hidden"> <a class="button button-red logreg_submit" id="js_regFormBut" href="#">Готово!</a> <div class="loading loading-cover" style="display: none;"><div class="loader"></div></div> </div> {#/if} </div> {#/template js_tmpl_auth_reg_action} {#template js_tmpl_auth_reg_agree} <div class="rg_for_input rg_set_lineh rg_for_input_wide"> <label class="js_tap_panel_checkbox"> <span class="chk"><input name="" id='js_tap_panel_checkbox_terms_reg' type="checkbox" data-js_submit="yes" /></span> Я ознакомился и согласен с <a class="link_txd logreg_accLink" href="/faq/vereinbarung.html">условиями сервиса Subscribe.ru</a></label> <em id="reg_msg_soc" class="reg_error rg_for_input_wide"></em> </div> {#/template js_tmpl_auth_reg_agree} {#template js_tmpl_auth_reg_button} <div class="rg_butons_socials"> {#if $P.login_register_tab == 1} <a class="rg_btn_soc rg_bs_01 js_tap_panel_selector" action="auth_email" href="#"><span><i></i>Email</span></a> <a class="rg_btn_soc rg_bs_01 js_tap_panel_selector" action="auth_openid" href="#"><span><i></i>OpenID</span></a> <a class="rg_btn_soc rg_bs_02 js_tap_panel_selector" action="auth_vkontakte" href="#"><span><i></i>Вконтакте</span></a> <a class="rg_btn_soc rg_bs_02 js_tap_panel_selector" action="auth_mailru" href="#"><span><i></i>Mail.Ru</span></a> {#/if} {#if $P.login_register_tab == 2} <a class="rg_btn_soc rg_bs_01 js_tap_panel_selector" action="reg_email" href="#"><span><i></i>Email</span></a> <a class="rg_btn_soc rg_bs_01 js_tap_panel_selector" action="reg_openid" href="#"><span><i></i>OpenID</span></a> <a class="rg_btn_soc rg_bs_02 js_tap_panel_selector" action="reg_vkontakte" href="#"><span><i></i>Вконтакте</span></a> <a class="rg_btn_soc rg_bs_02 js_tap_panel_selector" action="reg_mailru" href="#"><span><i></i>Mail.Ru</span></a> {#/if} </div> {#/template js_tmpl_auth_reg_button} {#template js_tmpl_auth_reg_descr} {#if $P.login_register_tab == 1} Для оформления подписки на выбранную рассылку, работы с интересующей вас группой или доступа в нужный вам раздел, просим авторизоваться на Subscribe.ru {#/if} {#if $P.login_register_tab == 2} Для регистрации укажите ваш e-mail адрес. Адрес должен быть действующим, на него сразу после регистрации будет отправлено письмо с инструкциями и кодом подтверждения. {#/if} {#/template js_tmpl_auth_reg_descr} {#template js_tmpl_soc_auth_reg_descr} Или зарегистрируйтесь через социальную сеть. {#/template js_tmpl_soc_auth_reg_descr} {#template js_tmpl_auth_reg_soc} <div class="rg_soc"> {#if $P.login_register_tab == 1} <a onclick="return _checkSocConfirm(event)" href="https://oauth.vk.com/authorize?client_id=3954260&scope=wall,offline,photos,groups,video,audio,email&redirect_uri={location.protocol+'//'+location.host}/member/login/vk/&response_type=code&v=5.15" class="login_register_vk_button"> <span class="login_register_vk_icon"></span> </a> {#/if} {#if $P.login_register_tab == 2} <a onclick="return _checkSocConfirm(event)" href="https://oauth.vk.com/authorize?client_id=3954260&scope=wall,offline,photos,groups,video,audio,email&redirect_uri={location.protocol+'//'+location.host}/member/join/vk&response_type=code&v=5.15" class="login_register_vk_button"> <span class="login_register_vk_icon"></span> </a> {#/if} </div> {#/template js_tmpl_auth_reg_soc}

{#template MAIN} <div id="loginForm" style="display:none;" class="subscriberu_popup"> <div class="popup_register"> {#include js_tmpl_auth_reg_tab} <dl class="rg_block_options"> <dt id="js_tap_panel_auth"> <p class="rg_description">{#include js_tmpl_auth_reg_descr}</p> <div class="clr"> </div> {#include js_tmpl_auth_reg_action} <div class="clr"> </div> </dt> </dl> </div>  </div> {#/template MAIN} {#template js_tmpl_auth_reg_tab} <ul class="rg_nav"> <li id="js_tab_reg" class="rg_active_nav rg_first_nav"><a href="" onclick="return false;" >Регистрация</a></li> </ul> <span onclick="hidebo();" class="rg_closed"> </span> {#/template js_tmpl_auth_reg_tab} {#template js_tmpl_auth_reg_descr} <strong>Пожалуйста, подтвердите ваш адрес.</strong><br><br>Вам отправлено письмо для подтверждения вашего адреса {$P.register_confirm_mail}.<br>Для подтверждения адреса перейдите по ссылке из этого письма. {#/template js_tmpl_auth_reg_descr} {#template js_tmpl_auth_reg_action} <div class="rg_forms confirm_code_from_letter"> <div class="rg_for_input"> <span class="rg_inp_descr" style="width:15em;">Или введите код из письма:</span> <input type="text" value="" id="confirm_code" name="" data-js_submit="yes" data-js_action="js_confirmFormBut" class="js_keydown_selector rg_input_text_conf" > </div> <div class="rg_for_input"><label>Не пришло письмо? <b>Пожалуйста, проверьте папку Спам</b><br /> (папку для нежелательной почты).</label><br /> <a href="" onclick="ajax_recall_code();return false" >Вышлите мне письмо еще раз!</a></div> <div class="rg_for_input"> <em class="reg_error" id="confirm_msg"></em> <a href="#" class="button button-red" id="js_confirmFormBut">Готово</a> <div class="loading loading-cover" style="display: none;"><div class="loader"></div></div> <br> </div> </div> {#/template js_tmpl_auth_reg_action}