К А Н О Н

     Святой Царственной Восьмерице Великомучеников

Святым царю Искупителю Николаю царице Александре цесаревичу Алексию царевнам Ольге Татьяне Марии  и Анастасии и старцу и пророку Григорию Новых.

Господи спаси народ святой Руси.

                                                    Глас 6. Песнь 1.

Ирмос: Яко по суху пешешествовав Израиль| по бездне стопами| гонителя фараона видя потопляема |Богу ||победную песнь поим вопияше. 

Святая Царственная Восьмерице великомученик| моли Бога о нас.

          Господи Иисусе Христе Спасе / песнь воспети и восхвалити рабов Твоих/ достойно сподоби/ святой царственной восьмерице великомученик.

          О како восхвалим вас преславнии/ в девстве , чистоте и преподобии Богу послужившии ,/святыми кровьми вашими Русь сохранившии/и с Лицы Ангел у Престола Владыки молящеся о всех//достодолжно память вашу совершающих.

           Се коль добро и коль красно/самобратная любовь восьмерицы великомученик Твоих/душу свою положи за други своя,/царский друже Григорие,/свидетельствуя о Христе Распятом даже до смерти,/пострадав терпеливно и законно,/венцы исплетоша Победы//и о всех верных молящеся.

            Поругание и разорение зря/ от богоборных агарян,/ сокрушився сердцем благочестивых царь/ пророку Иеремии и трием отроком сподвизаяся, / моляся Богу за люди согрешившия ,/прощения грехов даровати.

  Богородичен:  Все упование на Тя возлагаем Пресвятая Дево,/ отечество наше от власти лютых безбожник свободи,/верных многоболезненный вопль к Тебе услыши,/ Ты бо еси  Предстательнице Непостыдная наша.

                                                       Песнь 3.

Ирмос: Несть свят/ якоже Ты Господи Боже мой/ вознесый рог верных Твоих Блаже / и утвердивый нас на камени// исповедания Твоего.

          Огнедохновенное прещение укорил еси/ покорение Воли Божией христоподражательно искупительную жертву принесл еси;/ прещения мучительскаго неустрашився,/ но мечем духовным того убив,/ тем дерзновение к Богу стяжав,/ спасай чтущих тя от всяких бед//страдальче царю Николае.

          Дивный пророче Григорие/ первомучениче Восьмерице Царстей/ светлы возставив победы на лесть/ муками за Христа распалаем/ругаяся безбожному свирепству/разорил еси еллинския приношения/ Венец нетленный от Всех Владыки прияв.//Того моли спасти души наша.

          Иерусалима Вышняго наследницы/ Богоблаженнии Царственные страстоносцы/ светлостию чудес озаряете/ недуги разрешающе/ тьму глубокую всегда отгоняюще// Христу Богу непрестанно молящеся о всех нас.

           Сердечною правостию/Бога необименнаго/разумев всечестне/ в Того веровал еси несумненно блаженне Григорие/соблюд неизреченная Его повеления/ имиже согражданин Ангелом явился еси/ и Царственных великомученик сопричастник// с ними же молися даровати душам нашим мир и велию милость.

Богородичен:С  верою притекающих к Тебе/и любовию поющих Тя//молитвенный глас услыши Владычице.

                                                  Седален   глас 4.

            Возлюбив Христовы Заповеди /и возненавидев дольнего мира наслаждения,/ Державнии великомученицы Спасовы/ были есте светильницы всем блистанием Духовным/ добродетельно ввергая многоплодная семена,/ пожали есте многоразличныя богатныя класы; тем припадаю молю вы/ просветите очи душевныя воспети подвиги ваша блаженнии/ ради будущия Жизни/ еяже ныне наслаждаетеся//и молите непрестанно о всех нас.

                                                И ныне глас тойже.

             Стено Непобедимая/еси христианом Богородице Дево, /прибегающе к Тебе невредими пребываем/и согрешающе имам Тя молитвенницу к Сыну Твоему и Богу/ тем благодаряще вопием://радуйся Благодатная с Тобою Господь.

                                                             Песнь 4.

Ирмос: Христос моя сила/Бог и Господь/честная церковь боголепно поет взывающе://от смысла чиста о Господе празднующе.

          Пророчества Божии честно восприяла еси/ кроткая голубице царице Александро/с дерзновением в преподобии Единому Богу работая,/ чад своих уневестивши Христу/в Богосветлыя одежды себе мучения одеясте,/совлекшеся грехи истлевшаго человека/:  Господа пойте  дела// и превозносите Его во вся веки.

          Агницы Порфироносцы непорочнии/и яко жертвы приятныя/ Христу пастырю принесостеся,/приношение совершенна и приятно всесозжения, /ныне Престолу Божию предстоити/ и непрестанно молитися взывающе: // Господи спаси святую Русь.

           Сердечнаго рачения/ любви Божественней и страдания соединение, /лицы Ангельстии и вси святии удивишася, /како Боговенчанная царице Александро/ отрешися иноверия и восприяла еси боголюбно православие/ в благочестии возрасла еси, / слабость женскую отвергше/мучителей низложи//венцем украсившеся Бога прославляюще.

Богородичен:  Воздвигни мя падшего в рове страстей /и управ имя Всенепорочная/ яже Бога Единаго рождшая //совокупившего разстоящееся благодатию.

                                                            Песнь 5.

Ирмос:Божиим светом Твоим Блаже/ утрюнюющих Ти души любовию озари молюся/ Тя ведети Слове Божий ,// Истиннаго Бога от мрака греховнаго взывающе.

         Искапают чашу кровей страдальческих Твоих  сладость/точиши исцеления и потопляеши страсти и недуги лютыя/носящи свещу девственную/в Славу Спасову/всехвальная великомученице царевно Ольго//иже по достоянию тя славяще.

           Невесто Христова украсилася еси добротою/обручившися Жениху в чистоте и любве страданьми/являше правость твоея совести/Боговидная дщи Царева первенец Ольго/ немутну образ житием сохранше/благодать чудес источаеши /недуги отгоняеши/сердечныя страсти исцеляеши//достодолжно молящих тя.

           Ангели Хранители святей Руси/ явистеся мученицы царевны Ольго Татьяно Марие и Анастасие/ велию любовь являя  ко всем /и послужисте по заповедем Христа/ гонение заточение и поношения терпех/ моляся  кротко за терзающих и убивающих врагов/невесты святии Спасовы//молитеся о душах наших.

Богородичен: Вещь грехов моих /огнем молитв Твоих попали Пречистая//Божественную росу ми оставления носяще.

                                                               Песнь 6.

Ирмос: Житейское море/ воздвизаемое зря напастей бурею/к тихому пристанищу Твоему притек вопияше://возведи от тли живот мой Многомилостиве.

              Решителю  долгов греховных Господи/благодать прощения подаждь народу твоему/с сокрушением сердец слезно кающихся/ молчаливным содействием в убиении Богоданнаго царя и святей семьи/грех на нас и на предках наших//милосердный Боже прости и спаси души наша.

              Огнем жегомы/ мечем жидовским убиены/ кровьми мученическими Богопомазанника преполнися фиал гнева Божия,/ Токмо Ты Господи,/ можеши  свободити ны/ егда познаем грехи своя и обратимся стеная//: прости нас и предков наших и спаси святую Русь.

               Девы ногами древняго змия попирая/ Агницы Спасовы : Ольго , Татьяно , Марие и Анастасие/един имуще разум в телесех ваших/мирскую суету отвергше,/Единому Богу работая,/ доброплоднии ветви царскаго древа /Зиждителю принесостеся яко Жертва  Вечерняя/ согласно поюще.//Господи прости и спаси святую Русь.

Богородичен :  Глагол твоих сбытие зряще/ воспеваем Тя Богородице и Тебе Возвеличившаго//:  и вси роди воистину Тя ублажают.

                                               Кондак Глас 6.

          Надеждо великомученика Искупителя царя/ с царицею и чады и

Старцем Григорием укрепи/ и к Твоей любви окрыли/будущий им покой предвозвестивше/  тех молитвами Господи  помилуй нас.  

Икос:  Струи мне слова подаждь Боже мой/  ум сотвори источник благочиния/ и благослови язык мой/ достойно воспети святых Царстих великомученик,/ юже венчал еси Ты благостию и даровал святей Руси/ царя Искупителя Николая со царицею Александрою,/ цесаревицем Алексием/ царевнами : Ольгою, Татьяною, Мариею и Анастасиею/ и дружем и старцем Григорием;/ аще бо Сам не даси ми слова достойнаго/ како принесу дар нищий/ богатным в словесех и деяниих/ теми же подаждь ми силу/ исповедати их натрижнения/крепко бо звери победили есте://  но молитвами их шатание противных разори.

                                                                 Песнь 7.

Ирмос: Росодательную пещь содела Ангел/преподобным отроком /халдеи же опаляющее/веление Божие мучителя увеща вопити://Благословен еси Боже Отец наших.

                Схимница – святая Русь,/ пред  Престолом Владыки/узрев в сиянии Небесной Славы царя Искупителя Николая и светозарнаго цесаревича Алексия/принеся Крест Христов к их стопам вопиет:// се аз и дети яже ми дал есть Бог.

                Возопих:  Новых/от рождества немотствоваше цесаревич Алексий/ имя старцу Григорию нарекл еси,/ чудо Божие исцеления отроча свершися/ знаменуя обретение пророка друга и молитвенника Царскаго/ с ними же и мы купно вопием:// Благословен еси Боже отец наших.

               Ярем многостраданий дарова вам Господь/ Восьмерице царственных великомученик/  егда неисцельно  немоществоваше святый отрок Алексий/ утешение обретал еси предстательством  человека Божия Григория,/ туне недуги и страсти исцеляюще/в повелениих Его добре обретающе,/ верных предстательствами  соблюдающе и научающе вопити Богу//Благословен  еси Боже отец наших.

Богородичен: Спаси мя Рождшая Всех Избавителя/разори облака души моея/Света Облаче святая Владычице//и сильна соделай на страсти борющия мя.

                                                        Песнь 8.

Ирмос :Из пламене преподобным росу источил еси / и праведнаго жертву попалил еси/ : вся бо твориши токмо еже хотети. //Тя превозносим во вся веки.

                Татьяно Агнице Боголюбезная/ доброплодное чадо благочестиваго корене/ купно с царевнами : Ольгою , Мариею и Анастасиею/невесты Христовы предобры,/ обручившеся  страстьми добротворно/ внутрь Чертога Спветовидна вшедше/ свещу девическу носяще/ / пояше хваляще Творца во веки.

               Отгоними бывают единым призыванием вашим/лукавии дуси/познавше Восьмерицу Христовых страдалец/научая нас вопити:// благословите вся дела Господня Господа.

                Истинно прославляти вы научите славнии великомученицы/мужески лжесловесия тьму отгнавше/идольскую лесть обличивше/царю Искупителю Николае/в скрижалех сердец начертаяй/треволнения ересей избавляяй/Русь святую спасаяй и научаяй нас вопити//благословите вся дела Господня Господа и превозносите Его во веки.

Богородичен: Во след Тебе текоша  Восьмерица Царстих великомученик/ мира благоуханнаго желающе/Едина Пречистая Неискусобрачная/ возсиявшаго из чрева Сына Твоего Единачадаго/ и с Тобою царствуют//песнословяще Христа во веки.

                                                         Песнь 9.

Ирмос: Бога человеком невозможно видети/ на Него же не смеют Чини Ангельстии взирати/Тобою же Всечистая явися человеком/Слово воплощенно/Его же величающе//с Небесными Вои Тя ублажаем.

                    Равночестно обретоша старца Григория Августейшая седмерице/ во юдоли земной воплотивше единение Духа/ царя и народа/ купножительствуя в Небесных обителех/победы венцы восприимша,/  подвиги скончаша и Света исполнися Божия// верующе вернии ко Христу теплых молебников вас предлагаем.

                     Ублажаем вас святии царевны Марие и Анастасие/ юнейшими царицею нареченные/ праведничеством украшшеся,/  с Небожителями живете веселящеся,/ Светом Творца обожаеми, / поминайте любовию блажащих вас на земли //и  святое ваше творящих празднество.

             Странниче и молитвенниче Григорие Новых/земный Ангеле и человече Небесный/явился еси цесаревичу Алексию,/ яко врач бездмездный/ источник исцелений и чудес,  пучино обильно подаваяй/ елеем трудов твоих просвещаяй всех/ верно хвалящих тя, /моли Человеколюбца Господа от бед избавити, чтущих всечестную память вашу.

           Иззуй сапог ноги твоея,/сея земля свята есть,/ тьмы тем уневестившихся Христу приложистеся,/ всяк род и возраст прехвальных сошедшеся,/ житейския красоты яко сон вменисте,/ злокозненных полк мужески победиша/с Восьмерицею Царстих великомученик предстоите и Избавителя всяческих молите:/Руси прощение греха  даровати//и чтущим вас велию милость.

Богородичен:  Пощади мя Боже/ рождейся от Девы Непорочны/ егда сядеши суди дела моя/грехи и беззакония моя презри// яко Един безгрешен Бог и Человеколюбец.

                                             Светилен глас 6.

                От славы царственныя/ Крест Христов вземшии,/ к Славе Небесней пришли есте,/обрели еси радость Вечную/святии великомученицы:/ царю Искупителю Николае с царицею Александрою,/царственными чады :Ольгою , Татьяною,  Мариею и Анастасиею,/ со Светозарным отроком цесаревичем Алексием/ и пророком Григорием Новых,/ молим вы//грехов оставление даровати,  чтущим любовию святую память вашу.

                                Богородичен: глас тойже.

             День ны возсияй разумнаго веселия, / Ты бо еси Чистая/ Свет и Живот сущих во тьме/творити  имаши хотению мощна,/яко сущи всех Владычице//избави от бед скорбящих и соблазн лукаваго.

                 На хвалитех стихиры самогласны глас 5.

              Богоносцы триблаженнии, / святии царственнии великомученицы,/ жестоковыйцы  адозданнии вы умертвиша,/ в безумстве православнии вас им предаша/ и чашу горьких страданий испиша,/ дряхлованием до днесь недуговаше/ и иго вражие разрушисте,/ поминайте нас чтущих память вашу священноблаженнии//и молите спастися душам нашим.

                 Днесь  егда хулится Имя Божие/ человекоугоднически молчаньми распинаем Христа,/ в теплохладности утвердили нечестия,/ Августейшую Восьмерицу  разделиша и бесовом  в жертву предаша,/ зря православие в запустении/ остаток верных Богу взывает:/ разреши епитимию и утверди святую Русь/ в Правде и Благочестии/ и спасите поющих вам.

                 Преблаженне старче  Божий Григорие,/ ты пророчески слезами землю Руси омакал еси/и не дал сон очима твоима ни веждома твоима дремание,/ сердечное желание ко Христу являя ,/ за Царскую династию пророкованно страдая./ Его же паче всех возлюбил еси./ Тем великомученикам образ был еси/ и всякия добродетели вид исправил еси://темже тя ублажаем величающе Тебе Прославльшаго.

                                                   Слава глас 2.

                   Восхваляют людие псалмы/вкупе и  песни  вашу память славную,/ святии Крестоносицы/царю Искупителю Николае со царицею Александрою/и чады доброхвальными:  Ольгою, Татьяною, Мариею и Анастасиею/с цесаревичем  славным Алексием и старцем Божиим Григорием ,/ яко боголепны возсия и Светоносны,/ украшены славою и благодатию/ темже играют Ангельстии Чини,/ хвалят же мученицы со апостолы,/ ваших подвиг страданий/и воспевают прославльших вас ,/ Спаса Христа Бога нашего/Его же усердно молите/ спасти и просветити души наша.

                                              И ныне глас той же.

                   Богородице Ты еси лоза истинная,/ возрастившая нам плод Живота,/ Тебе молимся, молися Владычице/со святою Царственною восьмерицею великомученик// помиловати души наша.